Popular Bible Verses from KULUSE 1

Share

Allah lepa sau ilu cen penyukat ntem, sulo ho ngkin ilu kaʹ dalem pengaren Anak ke iaʹ penyelum me.

Allah kanan Keristus man ne uyan mung inu iaʹ un kaʹ surga ngan kusun tanaʹ. Mung inu iaʹ ilu taʹan, ngan inu iaʹ ilu abeʹ un taʹan, ngan pekina pe mung penyukat iaʹ mata kelunan abeʹ un taʹan, Allah uyan mung inu dina ban kuʹun Keristus, ngan tuman Keristus lete.

Kena inu inu un, Keristus lepa un. Ngan ban tuman gaham Keristus, mung inu un neng ukoʹ de.

Layen Allah iaʹ kelunan abeʹ un taʹan, lepa luhaʹ dalem layen Keristus. Ia ne Anak ading iaʹ paren bioʹ neng ʹo mung inu iaʹ Allah lepa uyan.

Tuman ina, cen tading meʹ kenahan denga puyan ncem, lemuto meʹ lemameʹ mikem. Ameʹ lemameʹ mikem apan Tuhan Allah ke naʹ penyukat mikem, apan ncem tisen pengubaʹ a pa ha daʹam, ngan pekina pe penudi ngan penisen iaʹ Berua Tuhan ke naʹ mikem. Lepa ina, ina le ikem sukat ke mudip bayaʹ pengubaʹ Tuhan, ngan lemuto uyan inu iaʹ sihoʹ neng pengubaʹ a. Ngan ikem ke un usun neng toʹ gayeng iaʹ tiga, mentung penisen ncem neng puyan Tuhan Allah kenai un pit.