Popular Bible Verses from 2 PETERUS 2

Share

Cen diaʹ pekina, luhaʹ ban Tuhan senteng ke pawang kelunan diaʹ temek bayaʹ ia kelap cen pengeten ne, ngan ke nebaya ukum neng kelunan jaʹat, pa kenai Tau Penelit Ukum ʹo.

Masaʹ lapa tiga re dina buk nyahut de abeʹ un tisen neng janan iaʹ teneng cen kena are, cen ʹo re ban tisen kidi, sulo tai re pupa mecin katuk iaʹ buheʹ, iaʹ Allah ban naʹ mida. Sihoʹ neng ida lan ne dau ca keluin iaʹ kuma ha: “Asu nai ngeliwet uman tutaʹ a loʹ,” ngan: “Buʹin lepa ha ntoʹ, numpak tai ie nekinaʹ pelaʹa.”

Kun nte petuket ke naʹ udip pejo mida, petem pe ida tengen iaʹ ulaʹ neng puyan baloʹ iaʹ jaʹat, iaʹ nasaʹ udip de. Moʹ inu inu iaʹ pesupeʹ ilu, seʹ le ulaʹ a.

Moʹ buk aheʹ iaʹ lepa pesau cen puyan usun tanaʹ iaʹ jameng ini, moʹ de tai tisen ban Tuhan iaʹ Keniga Udip le, Yesus Keristus ina, buk de dina numpak tai pasek kidi laʹa, ngan supeʹ kuʹun ne, ida diaʹ pekina tai jaʹat kuʹo ke ida neng ke bayaʹ a cen ʹo iaʹ ading are.

Cen naʹaʹ un lete pegawa palo nai luhaʹ neng ahang dulu. Pekina lete ke kenai guru palo luhaʹ neng ahang ikem ʹo. Ida iaʹ nyelem ngkin katuk iaʹ pelingu ngan ngejaʹat dulu, ngan ngebawaʹ dau neng Tuhan iaʹ ban matai tuman ida. Pekina seʹ de metau ukum kenai laho nasaʹ ida tengen.