Popular Bible Verses from 1 TIMUTIUS 6

Share

Nengayet ne ikoʹ pasa dalem pengelan, pa ha nalan udip saheʹ kelineʹ iaʹ ngeriman. Moʹ palaʹ udip ina Allah ban mengin ikoʹ, dalau hoʹ tiga ngan teto dau ngahaʹ pengelan ncoʹ kata kadoʹ dulu diaʹ badaʹ tugen neng ikoʹ are.

Moʹ malaʹ ligit ina ca pakat ncem neng mung naʹan puyan jaʹat. Ngan un palai diaʹ nengayet mita ha, pa re lingu neng pengelan nte, ngan ngejutaʹ penawai re man kadoʹ naʹan penusa.

Iaʹ lan ne, un pe adet temek bayaʹ Tuhan, bioʹ laleʹ le bang nge, buk un teto tekaʹ tawai le neng inu iaʹ un neng ilu.

Abeʹ un ca inu iaʹ ilu ban ngkin kaʹ usun tanaʹ ini tegoʹ le nai pempet are. Pekina lete laʹa, pabeʹ ca inu pe ilu abeʹ un senteng ke ngkin mecin usun tanaʹ ini.

Badaʹ me dulu diaʹ un pengekayaʹ usun tanaʹ ini, ayen nte mpau penawai re ngan pesente tebelum nte neng pengekayaʹ de, iaʹ kena kena le ina, di lareʹ bang nebelum ne neng Allah iaʹ lebang naʹ milu mung inu inu ne, iaʹ ilu ke kanan ngan bangen tawai le.

Un sepuʹo diaʹ ubaʹ ketai kayaʹ, ida iaʹ ke laboʹ neng pengeten, ngan sihoʹ kelabak kuʹun kadoʹ naʹan pengeloʹ iaʹ untau ngan iaʹ uyan jaʹat, iaʹ ke pelenca kelunan kedalem pengejaʹat ngan ukum patai.

Pekini dau hoʹ neng ida, cuk ida uyan puyan iaʹ tiga, pa re tai kayaʹ neng gayeng iaʹ tiga, ngan lebang puyan nte, ngan tenup tekaʹ tawai re ke petulat inu re ngan kelunan. Neng pekina puyan, seʹ de pedemun ca bang me usa re tengen, iaʹ ke penyalet udip de pabeʹ bayaʹ. Ina le ke nalan udip iaʹ atek udip lan.