Popular Bible Verses from 1 TESALUNIKA 4

Share

Uʹo ina ilu diaʹ caʹ mudip dalau ina, ina le ia ke nyintek alaʹ ilu tai kempau, peging ngan diaʹ ca didai are neng usun abun te, ketai petegoʹ ngan Tuhan kaʹ beluaʹ awang te. Pekina ne puyan le ke tai un pemung ngan Tuhan pa pa majan.

Un sepuʹo un dau lengap pengecuk Allah, ngan un dau isiu melikat iaʹ bioʹ, ngan un dau tuyau tekepip Allah; penco Tuhan tengen kenai kentaʹ cen surga. Kelunan diaʹ lepa matai ngelan Keristus, ida ke nai beteʹ ading.

Ini ne pengubaʹ kimet Allah mikem. Ia ubaʹ ikem ke mudip buheʹ, abeʹ un laki ngan leto pemung buk are pepeto lan ading. Dau heʹ neng ikem diaʹ laki, tekep ne singket singket cem ke tisen kumpin puyan alaʹ leto ngan janan iaʹ buheʹ, ngan iaʹ selama.

Ilu ngelan Yesus lepa matai ngan numpak mudip laʹa. Ngan pekina pe ilu ngelan Allah ke ngkin, pemung ngan Yeuss, ida diaʹ lepa matai dalau re ngelan ia are.

Nengayet ne mita udip iaʹ denaʹ, mentung ngimet ke petubo inu hem man gayeng ngkem tengen ne. Ngan tangen ne pegayeng ke pita pengudip kem tengen, koʹ baʹan dau iaʹ ameʹ badaʹ mikem cen kena are.

Abeʹ e Allah mengin ilu apan le mudip dalem puyan selabu, di lareʹ Allah ban mengin ilu apan le mudip dalem puyan iaʹ buheʹ.