Popular Bible Verses from 1 YAYA 3

Share

Ahaʹ anak anak keʹ, ayen le malaʹ kelunan bang man dau isiu ngan dau paʹ tuaʹ le, di lareʹ tekep le peluhaʹ seʹ le malaʹ lan neng kelunan man ban pemuyan ne iaʹ telit.

Pekini ban le ke ngetisen inu ban puyan malaʹ: Keristus lepa naʹ udip pe tuman ilu. Ina ukoʹ tekep ilu ke naʹ udip le tuman diaʹ cenganak le.

Pekimet kumpin seʹ Amai Bioʹ malaʹ ilu, uban pasak bioʹ ban pengemalaʹ a, pa dulu pisiu ilu diaʹ anak Allah. Anak ke lan lete ilu. Ini iaʹ ukoʹ dulu kusun tanaʹ ini abeʹ un nugen ngetisen ilu, uban abeʹ de nugen ngetisen Tuhan Allah lepe.

Aheʹ iaʹ pekutat seʹ uyan penyalaʹ, atek anun Bali Jaʹat ne kelunan ina, uban Bali Jaʹat iaʹ uyan penyalaʹ cen tading tading nge. Ini iaʹ ukoʹ Anak Allah nenganan ban nai luhaʹ are, apan ne nasaʹ pemuyan Bali Jaʹat.

Aheʹ diaʹ anak Allah, abeʹ de pekutat uyan penyalaʹ uban beneʹ Allah un mudip dalem ida. Abeʹ de senteng pekutat uyan penyalaʹ uban Allah iaʹ atek Tuʹa re.

Buk ca kelunan kayaʹ, ngan ia taʹan seʹ cenganak ke tepet neng inu, petem me mempeng tekaʹ penawai ia neng cenganak ke ina, kumpin seʹ e senteng badaʹ ia un pengemalaʹ neng Allah dalem penawai ie tupe?

Aheʹ kelunan iaʹ tudep bayaʹ katuk ukum Allah, ia lete iaʹ mudip dalem Allah, ngan Allah pe mudip dalem ia lete. Pekini ban puyan le ke ngetisen Allah mudip dalem ilu: ilu tisen uban kuʹun Berua ha iaʹ ia lepa naʹ milu.

Cen puyan ini ne un luhaʹ seʹ ban tekajaʹ diaʹ anak Allah ngan diaʹ anak Bali Jaʹat: aheʹ diaʹ abeʹ un ti puyan iaʹ teneng buk ke are malaʹ neng diaʹ cenganak ke, abeʹ de anak Allah.

Katuk tiraʹ iaʹ ikem lepa ban kenahan cen tading tading nge are, pekini dau ue: tekep le malaʹ neng ilu semaheʹ.

Ahaʹ cenganak cenganak keʹ, tuman ina ayen tai muʹo tawai buk dulu kusun tanaʹ ini ke miʹi neng ikem.