Popular Bible Verses from RUUMIYA 14

Share

Haali/ Bampa/ ma Arumgimis diki ta ’pemen gwo gom tonṯe/ mo dhali tomp̱i mo ’te/. Hili gom mo ma ḵar/e mo dhali mo ma ḵu’th is mo dhali moŋ’kuny bwa e Shi/in Dheleladhelel mo be. A’di jin miiki to wakan goma Ḵrisṯẖos mo tani mish ma Arumgimis bu’th mo dhali ta a’diŋ gana/ jin maŋa ’kwani mo be.

Waḵki/ ana ’kona ki e mo tani ana ’kokina ki e gom Tap̱a mo. Dhali waḵki/ ana wuna mo tani ana wukina e Tap̱a mo. Dhali wakan mo, waḵki/ ana ’kona ki e mo walla waḵki/ ana wukina mo tani ana tana ku gi Tap̱a mo be.

Haali/ a’di gi wakan mo tani dhalki ana ura to jin midi dhuwa dhu ki mo ma ḵu’th is mo dhali mmoṯel sho’k ka gam ’kup̱ mo.

Dhali wakan dhalkina doḵ/e ki waḵa waḵ ka rem ’kup̱ mo. Hili yisa si’da/ mmogam gwo me’d ki sule/ sule/ mo mmokar to jin golo’da gol mo walla mmonona kan ki bway mo.

Haali/ a’di ’kwarkunu mo ki: Me’d jin dika/ ki e mo tani a’di ta gwo jin ona Tap̱a mo, aris ’kup̱a’dup̱uni ’baar mo mini luŋ aha/ mo dhali arisa le’di ’baar mo mini c̱i ’twa/ maŋ goma Arumgimis mo be. Wakan ana ka ’deṯe/ ’deṯe/ mina mii c̱i is banaŋ gana/ mo ka ’deṯe/ ’deṯe/ ka Arumgimis mo.

Hili gom wathi/ jin ’ka’da is mo e moŋgam gwo is mo tani hani a’di mo ma. Hili yisa mmosu’k ki gwo kun ’kon ka ḵwa/m bwa mo.

/E ja jin midi waḵ c̱iŋkina/ gi wathiŋ kamu/ mo? A’di ta mii ibwambor tap̱am piti jin doshkina a’di mo dhali biṯ mo. Dhali a’di minu kar mmodosh mo haali/ Tap̱a mish a’di kar mmodosh kan mo be.