Popular Bible Verses from GWO JIN ’CEENU MO 11

Share

Dhali yan’ko’d aman’doyu gwo jin ’kon ma p̱o/i pesu/ mo tani dhalki’da poomem piti me’d mo be, dhala dhan ’twa/ kun caaca gwoyunu/ mo ’peni momis mo mmo/oyu/ gwo mo ki: ’Peŋkuman bampa/ gi mony’cesh mo tani a’di warki’d ki ’peŋkuman bampa/ gi Tap̱am bana mo dhala Ḵrisṯẖos jin ta jim piti mo, dhali a’di midi ta Tap̱a gom ki sule/ mo dhali ki sule/ mo be.

Dhan kal gi ’kwaniny’cesh burushkina mo isho’k mo, hili anyor pini jin toru gwon dwall ’twa/a ’cesh mo tani a’di p̱u’dki’d mo dhali mo gom uni kun wukin mo ki uni minu dwall gwo mo dhali mo jin mina /e c̱i c̱iŋkinam pini to mo kun ish ḵumma/ mo, uni gun ta imanc̱i gwo mo dhali uni kun dhunu ki she/ ki dhelel dhelel mo, dhali uni gwansan kun ḵo/ki gway pini mo, nyaḵki uni kun gwa’dan mo dhali uni kun cakin mo, dhali mo jin ’ce’duwa ’ce’d sho’k gom uni kun ta iman’ce’d mony’cesh sho’k mo be.

Dhali aha/ mina c̱i uni kun ’koni su/, uni gun ta iman/o gwom pem, mom’bi’th mo mmoc̱i gwo is mo goma tee kun ’kon ma alip̱i ’de/ mo jin ’ce’dki’d ka iss ’kwanimpa ka ’kume’d ’dap̱ ’twa/ ka kwara mo, mmohi’th burrinye/ ma shawaal kun ta kun ’thi/ mo.

Hili ’ko’da cim kwara dhali ka nus mo tani shi/ir jin di ki e ’peni Arumgimis cic̱ki’d e uni mo dhali uni doshkin ki sho’k buni mo, dhali adhan moŋḵo/ is biṯkin ap̱o/ uni gwansan kun p̱arki uni e mo be.

Uni ta gi mom’bi’th mmomu’th momis ’twa/ mo ka shoka kamu/ midi diki p̱ir ari yi’de/ a’cesh ki me’da tee gwansan jin ’kona uni mmoc̱i gwom buni is mo, dhali uni ta gi mom’bi’th ap̱o/ yi’de/ mo mmowar uni mmota abas mo dhali mmodor mony’cesh mo ka ris isa nyor kun woci ’kwani is she/ mo me’d ka ris me’d jin mina bwa o uni mo mmomii kan mo.

Uni gwansan ta cwa seṯuun isu/ mo dhali alamba/ kun ta ṯirkina/ isu/ mo, uni gun doshkini bwambori Tap̱a gi mony’cesh mo. Dhali waḵki/ jan ṯal ’deŋ kamu/ midi ’taki shi/ uni mo tani o’d minu wolu/ ’peni ’twam buni mo dhali shwa uni gun ta ’kup̱ buni ki ’ci’d’da/ mo. Waḵki/ jan ṯal ’deŋ kamu/ midi shi/ uni is mo tani a’di ’dap̱a’dap̱ kan ki a’di minu ’kosh mo.