Popular Bible Verses from MARKUS 1

Share

Dhali ki mo ta mon’thamo/ ka ’tum gana/ mo ki moŋkush nṯwa/a/ mo tani a’di cuki mis mo dhali ya mo e mo jin p̱ina ’kwani mo, dhali a’di ki ’tho mo be.

dhali mmo/o gwo mo ki: Mo thimkunu mo, dhali Bampa/ ma Arumgimis p̱u’dki’d e me’d mo. Rici adu is mo ma dhali gam gwom ’borga/ is mo.

Dhali ki a’di piki’d ka pije/ ’peni yi’de/ mo tani ise/ ki jahanne/ a’di p̱arki momis e mo mmodi ki ḵany dhali Shi/in di’d mmothulu/ i a’di mo me’d gurko/ mo be. Dhali ’twa/ ciḵkunu ’peni momis mo ki: /E ta Ya/m pem jin enka/ mo, dhali aha/ ’bora bwa ki ’bor ki /e mo.

Aha/ miikina um ki yi’de/ tani hili a’di midi mii um ki Shi/in Dheleladhelel mo be.

Dhala Yesus ki o uni gwo mo ki: Baṯẖi aha/ nsho’k mo ma, dhali aha/ mina dhu um mmowar ki imanbu’th ’kwani ki gwo mo be. Dhali ki jahanne/ uni dhalkina ’thim buni ’pen mo dhali uni ki baṯẖ a’di nsho’k mo be.

Dhali uni merkin mo gom gwom piti jin ṯorkina a’di mo haali/ a’di ṯorki uni gwo mo me’d wathi/ jin ta gi moshirr mo dhali yisa me’d iman’kwar to mo.