Popular Bible Verses from MAṮṮA 4

Share

Hili a’di thoḵ a’di gwo mo ki: A’di ’kwarkunu mo ki: Wathi/ midi diki di ki e jasi gom tonṯe/ a’di ’de/ mo hili ki gwo ’baar mo ka ’deṯe/ ’deṯe/ kun piyin mo ’peni ’twa/ ma Arumgimis mo be.

Yan’ko’d Yesus ki o a’di gwo mo ki: Yaku/ mo ma, Seṯaan, haali/ a’di ’kwarkunu mo ki: /E mini luŋ Tap̱a Arumgimis pini mo, dhali a’di ’de/ mo tani mmina /e mii to mo be.

Yesus o a’di gwo mo ki: Doḵ/e gwo ’kwarkunu mo ki: /E mini diki pal Tap̱a Arumgimis pini mo.

Yan’ko’d aYesus a’di urkina Shi/in ka pije/ mo e mombwaasho mo dhali a’di palkina tap̱a ma ruma ’cesh mo be. Dhali a’di ga/ki to mo ka cim ma issu/ montee mo dhali ka cim ma issu/ mon’thiny mo dhali yan’ko’d mo tani a’di ’kosha ṯe/ mo be.

Dhali a’di ki o uni gwo mo ki: Baṯẖi aha/ nsho’k mo ma dhali aha/ mina dhu um ki imanbu’th ’kwani ki gwo mo be. Dhali ki jahanne/ uni dhalkina ’thim buni ’pen mo dhali baṯẖ a’di isho’k mo be.

’Pena tee c̱aan mo tani Yesus ṯelki gwo ’pen mo mmoc̱i gwo mo mmo/o gwo mo ki: Rici adu is mo ma haali/ Bampa/ gi Momis a’di p̱u’dki’d mo be.