Popular Bible Verses from MAṮṮA 10

Share

Hili mo mo ma, aha/ hashkina um mo ka pije/ mo me’d ḵa’bal mo e bwaman ma wu mo, wakan yuḵi ki yuḵ mo me’d tasha/ mo, dhali dari ga maḵ mo me’d gurko/ mo.

A’di jin midi gam mondiki/em piti mo tani a’di midi this a’di e mo be, dhali a’di jin midi this mondiki/em piti e mo gom gway pem mo tani a’di midi gam a’di mo be.

Dhali dhalku/ ki ḵo/ uni gwansan kun ’koshi buŋgwar is mo hili uni ’koki misha ḵashira/ ’kosh mo. Hili dhali mii yan e i is mo mmoḵo/ a’di jin mishki’da ḵashira/ sho’k ’ce’d mo mmonṯal ’de/ ki buŋgwar is ilu/ mo e mo ma al o’d mo be.

Dhali a’di jin diki ḵal cwany’ciṯẖan dhul piti mo dhali diki baṯẖ aha/ nsho’k mo tani a’di diki ha me’d mo gom aha/ mo be.

Wakan aris ’kwani ’baar mo ka ’deṯe/ ’deṯe/ uni gun mini c̱i gwo mbwambori ’kwani mo gom aha/ mo tani aha/ si’da/ mina c̱i gwo gom uni mbwambor ma Ababam pem mo, a’di jin di’d e momis mo be. Hili a’diyin jin waṯki aha/ gway mo mbwambori ’kwani mo tani aha/ si’da/ mina waṯ a’di gway mo mbwambor ma Ababam pem jin di’d e momis mo be.

Wac̱i uni gun ’ba’thkin mo, ’deki uni gun wukin mo, dhali dheleli uni gun ’kosha monthus mo, dhali uri aruma ’cesh ka pije/ mo. Um bu’thki a’di ki dar gi to jin c̱inu mo, c̱iyi a’di jin c̱inu ki dar ga kar ’kus mo.

Gom a’di gi wakan mo tani dhalku/ is ki ḵo/ mo ma haali/ um a’di i’bitha yol she/ ki ’bi’th mo mmobol ushi ’dii e mo be.

Dhalku/ ki ṯosh ki aha/ p̱u’dkina mo mmokar moŋḵu’th is e mony’cesh mo. Aha/ dinaki p̱u’du/ mo mmoḵal moŋḵu’th is mo, hili gandala turga/ mo be.