Popular Bible Verses from YAKUUB 4

Share

C̱i is bum wakan ka Arumgimis mo ma. Roc̱i tap̱a ma ruma ’cesh mo ma dhali a’di midi gus mo ’peni um mo be.

’Dishi Arumgimis is mo ma dhali a’di midi ’dish um is mo be. Lami me’d bum mo ma, um ’kwani kun ta imanmii miinthus mo dhali dheleli adum bum mo ma, um ’kwani kun ’kona bwa ka susu/ mo.

Dhuyi is bum ki gwa’d mo ibwambori Tap̱a Arumgimis mo ma dhali a’di midi dhu um ki ca mo be.

Hili a’di c̱iki’da ’the ki nyanye/ mo be. Dhali wakan a’di o gwo mo ki: Arumgimis ceshki mo mo gom uni gun dhu ’ba/ ki ca mo hili a’di ki c̱iya ’the gom uni gun dhu is buni ki gwa’d mo be.

A’di yin jin mish jim ’boro’d mo mmomii mo dhali diki mii a’di mo tani gom a’di mo a’di ita miinthus mo be.

Um doṯki to mo tani dhali um ’koki bu’th a’di mo haali/ um doṯki to ki doṯ thus mo mmo’baar a’di jin ’dap̱a um e mo be.

Um ’kwaniny c̱al, ’kona um ki mish mo mo ki mmonyaḵ to mii ki ’kwaniny’cesh mo tani a’di ta ’kup̱ ka Arumgimis mo? Haali/ a’di wakan mo tani a’di yin jin ona bwa ki ta mugu gi ’kwaniny’cesh mo tani kar is piti mo mmota ’kup̱ ka Arumgimis mo be.

Hili um ’koki mish to gun mini mii ka’thamo/ mo. Moŋ’koki/em bum wakata mo? Haali/ um tana wulp̱e/ kun piyin ki ari mo mo dhali la p̱i mo be.