Popular Bible Verses from YAKUUB 2

Share

Wakan si’da/ moŋgam gwo is ki is piti mo waḵki/ a’di dinuki mii to mo tani a’di wu’d mo be.

Haali/ me’d buŋgwar jin dar gi shi/in mo tani a’di wuki’d mo, wakan si’da/ moŋgam gwo is jin dar gi mii mo tani a’di wuki’d mo be.

Dhali gwo bala nyo/u kata mo, iwaḵ pem mo, waḵki/ wathi/ o gwo ki a’di ta’d gi moŋgam gwo is mo hili idiki mii to mo tani a/mina moŋgam gwo is piti ita a’di is ki me’d mo ’taa?

/E gami gwo is ka Arumgimis ṯal ’de/ mo. /E miin ki ’bore/ mo be. Me’da rum thus kun nyo/on si’da/ gam gwo is mo dhali cuna is ki thunthur mo.

Hili wathin ’deŋ kamu/ midi o gwo mo ki: /E tan gi moŋgam gwo is mo dhali aha/ tana gi mii mo. Ṯor aha/ moŋgam gwo is pini ki dar gi miim pini mo ma dhali aha/ ki miim pem mo tani mina ṯor /e moŋgam gwo is pem mo be.

Haali/ gwon dwall a’di dar gi mo jin minu miimii mo e a’di jin diki ṯor momiimii mo. Hili momiimii ta mo jin p̱inu mii e ap̱o/ gwon dwall mo be.

/E mishin ki wathi/ a’di karu ka ḵar/e ki mii mo dhali yisa ki moŋgam gwo is a’di ’de/ yisa.

/E mishin ki moŋgam gwo is nyaḵ ya ki miim piti mo dhali moŋgam gwo is a’di thimkunu ki mii mo be.