Popular Bible Verses from IBRANIYIIN 10

Share

yisa mmop̱inykin is gom mo jin tulu is mmonṯal ’de/ mo, me’d jin boṯa kun tiya ki mii mo, hili mmo’bi’th ci adu is ka rem ’kup̱ mo, dhali isa yempa/ mo ki nyanye/ mo me’d jin p̱arkina uma Tee e mo mmo’dishkina a’di ki ’dish ’dish mo be.

Dhali dhalki ana si’da/ ’kona isi gwo i bwa mo, ma mo c̱i’th ci is ki mii ka rem ’kup̱ mo mmo/ena en mo dhali mmomii miim ’boron mo

Dhalki ana budha ki ri’d mo ma ’teŋ kap̱em bana jin mina ana pi ki dar gi monṯosh mo, haali/ a’di jin oki gwo is mo tani a’di ta a’diŋ gana/ mo be.

Haali/ um mini mii ta gi mo jin ’dimuwa ’dim ’kup̱ mo wakan ki um mini ’taki mii bwa ma Arumgimis mo dhali bu’th a’di jin okunu is mo.

dhalki ana ’disha mii is mo ka duŋ gana/ mo mmo’tu’d mo mmomish mo ki isa duŋ gana/ ki moŋgam gwo is mo, ka dum bana kun ḵukuskunu ana ki dhelel dhelel mo ’peni tonthus gi ’twa/ ma dum bana mo dhali buŋgwar is bana kun lamkunu ki yi’de/ jin c̱a’bki yidhiṯẖ yidhiṯẖ mo be.

Wakan dhalku/ ki buḵ is bum mo ’peni mom bum jin wuna uma wuny jwa i is mo, a’di jin ta gi dhan mo jin isha to ḵumma/ mo.

Haali/ waḵki/ ana miina miinthus mo mmoḵal mii ki is mo ’ko’di ana bu’thkina mii jin nyiṯẖkina ana gwoŋ gana/ mo tani moŋkamu/ yisa di’da doḵ/e jin minu mii ’ciṯẖ to/e ’kus mo gom miinthus mo be. Hili mii jin ḵogu is mo tani a’di ’thoyi mo gi gwon dwall mo dhali o’d jin c̱a’b ki wur wur mo, a’di jin midi shwa uni kun ta ’kup̱i ’baar mo be.