Popular Bible Verses from ṮAKWIIN 39

Share

Dhali Tap̱a nyaḵki di ka Yuusup̱ mo dhali a’di warki’d ki wathi/ jin hana mii me’d mo dhali a’di diki’d e gu’b gi tap̱am piti jin ta Wathi/ Masir mo.

Wakan a’di dhalki’da ris to ’baar mo e me’d ma Yuusup̱ mmohil mo dhali mmodhalkina a’di a’di e me’d piti mo tani a’di yisa shwana jwa mo gom toŋ kamuwa, hili jasi gom tonṯe/ jin shwakina a’di mo. Dhala Yuusup̱ ŋala/ ’bora jaro/ ime’da/ a’di hili mo ki jis/e jin yesayes mo.

Dhali amanhila sijin c̱iki’da Yuusup̱ gwo ime’d mo mmota amanhil ’kwani ma sijin i’baar mo uni kun ’kokina sijin mo. Dhali aris mii gunn kun miinu mo tani a’di ki mii uni mo.

Dhali tap̱a ma Yuusup̱ bu’thki a’di mo dhali kar a’diya sijin mo e mo jin ṯa’kkunu habuus ma maliḵ nycine/ mo dhali a’di diki’da sijin imun mo. Hili Tap̱a a’di nyaḵki di ka Yuusup̱ mo dhali ṯor a’di mo/en piti jin ṯelu sho’k mo dhali c̱i a’di mii ma ’the i jis/e ma manhila sijin mo.

Dhali ki ara cima kamu/ mo tani a’bom gi tap̱am piti, ayim ’cemi’dki’da Yuusup̱ ki e mo dhali o a’di gwo mo ki: Ishi nyaḵki aha/ mo ma. Hili a’di ushki’d mo dhali owa ’bom gi tap̱am piti gwo mo ki: Hili mo aha/ dhalkina tap̱am pem to ime’d mo dhali a’di dina jwa ki shwa mo goma ris to mo e gu’b mo kun dhalkina a’di aha/ e me’d pem mo. A’di diki caaca kagahara e gu’b yan mmobol aha/ e mowa. Toŋ kamu/ yisa ’tasha a’di aha/ ’twa/ mo yisa hili isi ciki/ is piniŋ gana/ mo haali/ /e ta ashim piti mo. Aha/ mina mish dhan miinthus yan mii mo wakan mana dhali mii miinthus ap̱owa Arumgimis mowa?

Hili ka cimi ’deŋ kamu/ mo me’d jin yakina a’di gu’b mo mmomiiya ṯu’c piti mo dhali ’kwanin tiya yisa ’koni bwaŋ gu’b yisa uni kun miina ṯu’c e gu’b mo tani, ayim bu’thki a’di e burrinyem piti mo mmo/o a’di gwo mo ki: Ishi nyaḵki aha/ mo. Hili a’di dhalki burrinyem piti e me’d ma yim mo dhali gus mo dhali p̱u’d ka pije/ ’peni gu’b mo.