Popular Bible Verses from GALATHIYYA 6

Share

Dhali dhalki ana daḵa mii is jin wu e mo mmomii miim ’borga/ mo, haali/ ki she/ yil mo mo tani ana mina ’ciṯẖ to mo waḵki/ ana ’kona bwa ki biṯ ka luŋgu’b mo be.

Dhali wakan mo tani me’d jin takina ana ki embula ’borga/ mo tani dhalki ana miina miim ’boron e ’kwani ’baar mo dhali isi kan ki jim mum mo gom uni gwansan kun ’kokin eya ṯa/ gi moŋgam gwo is mo be.

Ḵali ton diṯin ka rem ’kup̱ mo, dhali ki mii gi wakan mo tani um mini thim gwoŋḵan ma Ḵrisṯẖos mo be.

Dhalku/ ki ta ku gi hegu e mo. Arumgimis yisa ta ji gi minu mii ka maḵa. Haali/ ma to yin jin mina wathi/ si mo tani a’di si’da/ imina a’di i’ciṯẖ mo be.

Haali/ a’di jin siki to gom buŋgwar is piti mo tani a’di midi ’ciṯẖ to ’peni buŋgwar is jin midi p̱u/ mo. Dhali hili a’di jin midi si to gom Shi/in mo tani a’di midi ’ciṯẖ mondiki/e ki sule/ ya ye ’ba/ mo ’peni Shi/in mo be.

Iwaḵa, waḵki/ wathiŋ kamu/ bulu ’twa/a ’cesh e gwon dhaŋa kamu/ mo tani um gun ta gi to gi shi/in mo mini mii wari a’di is ka nyaŋ’ko’d mo e shi/in jin ’thup̱u e ki ’thup̱ mo. Hili ’kup̱, ’kup̱ki is pini mo isi ciki/ ki /e minu pal mo gara/.

Haali/ waḵki/ jan ṯal ’deŋ kamu/ midi kulum gwo ibwa mo ki a’di ta a’di mo tani ki a’di diki ta toŋ kamu/ mo tani a’di he’kki isi is pitiŋ gana/ e mo be. Hili dhalki ’kwani ’baar ka ’deṯe/ ’deṯe/ pali miim buniŋ gana/ mo, dhali gwo jin di a’di a’diŋ kamu/ ibwa mo mmokar ’ba/ ki ca mo tani midi di gom is piti a’di ’de/ mo dhali yisa eya mannyaḵ c̱a’b jin ’dish a’di is mo be. Haali/ ’kwani ’baar ka ’deṯe/ ’deṯe/ mini ḵal is kom mo gom tom buniŋ gana/ jin ḵala uni mo be.