Popular Bible Verses from Mmo/ii ka Pije/ mo 3

Share

Arumgimis ki thoḵa Musa gwo mo ki: Aha/ Be I Tana Aha/ be. Dhali a’di ki o gwo mo ki: Oyi gwo yansan e ’kwani ma Israyiil ki: Aha/ jin Tana Aha/ mo tani i hashki aha/ i um mo.

Arumgimis ki thoḵ a’di gwo mo ki: Aha/ mina nyaḵ di ki /e mo. Dhali ki /e mini dili ’kwani sho’k ka pije/ ’peni Pam Masir mo tani um mini mii mii mmotaḵ aha/ e ’kuwosh yan mo. Dhali mii yansan midi ta jamas mii mo gom /e mo ki aha/ tana a’di jin hashkina /e mo be.

Dhali yan’ko’d Arumgimis ki o a’di gwo mo ki: Dhalku/ ki shor mmo’dish mo yan is mo. ’Cuḵa p̱p̱am pini ’peni sho’k mo ma haali/ mo yan jin dina /e i cine/ mo tani ta’da ’cesh jin ḵogu mo be.

Dhali yan’ko’d TAP̱A ki o a’di gwo mo ki: Aha/ misha isa nyor jin wo’cki ’kwanim pem mo uni kun ’kokin mo e Pam Masir mo. Dhali aha/ ciḵkina kom buni mo gom mii gi imanjiya ṯu’c buni kun ta ’Kwani Masir mo. Dhali aha/ misha moŋ’kosh is ka nyor buni mo be. Dhali aha/ thulkina ka ’cesh mo mmo’cuḵ uni ’peni me’d gi ’Kwani Masir mo. Dhali aha/ mina sus uni mo ’peni pa c̱aan mo bway mo jin ’kosh jwa mo jin isha ris embul mo dhali jin ’bor ma ’cesh ki ’bor mo. A’di ta mo jin ’kona ’kwani Paŋ Kanaan mo dhali Pa Hiṯẖṯẖa mo dhali Pa Amuur mo dhali Pam P̱aaris mo dhali Pa Hayp̱a mo dhali Pa Yabuus mo be.

Dhali aman’doyu/ gwo gi TAP̱A piki a’di i is ka le’dan o’d e ari bwaman cwa mo. Dhala Musa p̱arki mo e dhali merki’d mo ki cwa shwakina o’d mo dhali a’di ’konu ki kup̱ ki sule/ mo be.

Dhali shwane/ yaku/ mo ma, aha/ mina hash /e aP̱irawn mo ki /e mini mish susu ’kwanim pem ka pije/ mo, uni kun ta ’kwani ma Israyiil mo ’peni Pam Masir mo be.