Popular Bible Verses from Mmo/ii ka Pije/ mo 15

Share

A’di o gwo mo ki: Waḵki/ um mini ha gwom pem e ki ’bor ’bor mo tani dhali mii jasi tom ’boron e jis em pem mo tani dhali c̱iya hirdhe/ ki gwoŋḵan pem mo dhali dhuwa ris gwoŋḵan gi ’twam pem mo tani, aha/ mina dhu ’batha tiya ap̱o/ um yisa me’d kun dhukika/ ap̱o/ ’Kwani Masir mo. Haali/ aha/ tana TAP̱A jin wac̱ um mo.

TAP̱A a’di i ta mom’bi’th pem mo dhali moroc̱ pem mo dhali a’di warki’d ki mowoṯẖ pem mo. A’di i ta’da Arumgimis pem mo dhali aha/ mina maŋ a’di mo, Arumgimis jin ta ji gi ibabam pem mo dhali aha/ mina kar a’di ki ji gi eḵa/ eḵ mo.

Kaja a’di wana e ki /e, ayy TAP̱A, i bwaman ma risa ruma ’cesh mo kun yeru gway ka wuny is mo? Kaja a’di wana e ki /e mo? /e jin cayaa/ e ki ca mo e mo jin ḵogu mo. /e dar ki liil e monycam pini jin miina /e to mo /e miiki miimer ka ris mo.

’Kwani kun wankina /e ’ba/ mo tani /E shuki uni bway ki mo/en pini jin ṯelkunu sho’k mo. /E shuki uni bway ki mom’bi’th pini mo e moŋḵogum pini jin dina /e nycine/ mo.

Ki uni p̱u’dkin e mo jin yuḵu gway ka Murrah mo tani uni molki yi’de/ p̱i ’peni a’di mo haali/ a’di ḵa/aḵa/ kagahara mo. Gom gwo gi wakan mo tani a’di i yuḵkunu a’di gway ka Murrah mo. Dhali ’kwani miikina gumgum ap̱owa Musa mo mmo/o gwo mo ki: Atinta a’di mina ana i p̱i mo? Dhala Musa gwo ki ’twa/ e TAP̱A mo dhali TAP̱A ṯorki a’di cwa mo. Dhali a’di birki a’di mo e yi’de/ mo dhali yi’de/ c̱a’b ki dhel dhel mo. E mun mo tani TAP̱A c̱iki uni gwoŋḵan ki ’twa/ mmomii mo. Dhali e mun mo tani a’di palki uni mo.