Popular Bible Verses from Mmo/ii ka Pije/ mo 10

Share

Dhali yan’ko’d TAP̱A oki’da Musa gwo mo ki: Yaku/ aP̱irawn mo haali/ aha/ i’bi’thkina a’di adum piti is mo dhala du gi aris ’kwani kun miiki a’di aṯu’c mo ki aha/ mina mii aris miimer pem gwansan i bwamani uni mo. Dhali ki /e mini mii ṯor gwo mo ki uc̱im pini mo dhal ki uc̱i gi iya/in mo gom mon’the is jin ’thekika/ ’kwani Pam Masir mo ka tee jin miikika/ miimer e bwaman uni mo. Um ’baar mo mini mish mo mo ki aha/ tana TAP̱A mo.

Dhali yan’ko’d TAP̱A oki’da Musa gwo mo ki: Ṯe’dki me’d pini ’kup̱ ki momis mo ki mondhurumi’d jin ’ceṯẖe’da ’tum midi wuma p̱o/ Pam Masiri ’baar mo. Mondhurumi’d mina moŋkusha kamu/ i diki di ce e mo. Wakan aMusa ṯe’dki me’d piti ’kup̱ ki momis mo dhali dhan mondhurumi’da ’tum diki’d mo e Bampa/ Masir goma cimi kwara mo be. Wathiŋ kamu/ yisa di’da jin mishi tiyan tiya p̱ar e mo yisa. Walla jin ṯal ’deŋ kamu/ yisa cuki mis mo ’peni mom piti mo ka cimi kwara mo. Hili aris ’kwani ma Israyiil uni a’di i ta gi moŋkush mo e mo jin ’kokina uni mo be.

Wakan aMusa a’di ihe’thki’da lukaas piti mo ap̱o/ Bampa/ Masir mo. Dhali TAP̱A ḵalki ’tham gi mom’pesho’k mo mmoposh ka enthus mo ka cim c̱aan ki mon’thiny ilu/ mo. Dhali ki mo ta mon’thamo/ mo tani ’tham gi mom’pesho’k a’di i ḵala’da risa kuyu/ mo be. Dhala waambuhanya kuyu/ ṯẖa’thkin ap̱owa ’cesh gi Pam Masir mo dhali thoson is buni mo mmo’ko mo e dhan Bampa/ Masiri ’baar mo. Adhana kuyu/ shwan ma risa nyor kagahara mo. Ji gi wakansan yisa mishkunuwa, dhali a’di midi doḵ e di ki sule/ sule/ mo yisa.