Popular Bible Verses from EP̱ASUS 6

Share

Haali/ ana ’konaki ’thir mo ap̱o/ buŋgwar is mo dhala bas mo, hili ap̱o/ mom’bi’th kun molu gadhir mo dhali ap̱o/ mom’bi’th mo, dhali ap̱o/ itap̱a kun ji mony’cesh yan mo jin ta mondhurumi’d mo shwane/, dhali ap̱owa risa buhany shi/in thus kun ’koki ta gi buŋgwar is ga ’cesh mo e mo kun ’kon e momis mo.

Thoyi isa yempa/ e Shi/in ka risa ’tho mo dhali ka di’b is jin di’bu/ mo, ki um mini ’dim ’kup̱ mo ki montim mo mo mmodi’ba di’b is goma ris uni ’baar mo kun dhunu ki she/ ki dhelel dhelel mo be.

Hithi agoŋgoro/ ma Arumgimis ka ’bimpil mo ki um mini mish dosh mo ap̱owa ’kanyco/ gi tap̱a ma ruma ’cesh mo.

Wakan budhi agoŋgoro/ ma Arumgimis ka ’bimpil mo ki um mini mish dosh mo mmoroc̱ mo ka tee jin ta thus mo dhali mmothimkina um a’di mo tani mmodosh mo be.

Ap̱owa ris mii gwansani ’baar mo tani budhi agoŋgoro/ me’d bum mo, a’di jin ta moŋgam gwo is mo, haali/ e a’di mo tani um mini mish usa ris shemen toŋ kan kun ’bathan kun shina a’dinthus ’de/ yin mo. Dhali budhi toŋ’kup̱ ki bway mowoṯẖ mo dhali gandala turga/ gi Shi/in mo, a’di jin ta gwo ma Arumgimis mo be.

Doshi um wakan mo mmodeḵ wac̱kan gi gwoŋ gana/ mo e empa’d bum mo dhali hithi arac̱pa/ gi mii ma ḵar/e mo dhali mmo’kamu’thkina um sho’k bum ki mo jin thosonkunu mo ki gwom ’borga/ mo gi mo ma ḵu’th is mo be.

Ḵwalany ’te/ be. ’Bithi um is mo e Tap̱a mo dhali e mom’bi’th ma dem dem piti mo.

Taḵi ibabam bum mo dhali ikwan mo (Gwo yansan ta gwoŋḵan jin ’kwarkunu mo jin ta jin ṯwa/a/ mo jin ta gi gwo jin onu is mo.), ki a’di midi ’taki ’bor mo gom um mo dhali ki um mini ’taki ’ko ki ’kom ’pempaŋ gana/ e mony’cesh mo.

Uc̱iya, hayi gwo gi ibabam bum e mo dhali ikwan mo e Tap̱a mo, haali/ a’di yansan ta miim ’boro’d mo be.