Popular Bible Verses from KURINṮH̱UUS SU/ 1

Share

Mom’bor mii midi di mo goma Arumgimis mo dhali Ababa gi Tap̱am bana ka Yesus Ḵrisṯẖos mo, a’di jin ta’da Baba jin cila momiimii mo dhali Arumgimis jin ta ji gi momalasi ’baar mo tani a’di jin malaski ana mo eya ris monṯo’c bwam bana mo, wakan ki ana mina mish malas uni gwansan kun ’kon si’da/ e monṯo’c bwa mo ki malas jin malaskunu ana ki is bana mo ’peni Arumgimis mo be.

Haali/ me’d jin pwaḵkunu ana isa nyor ma Ḵrisṯẖos ki nyanye/ mo jin ’koshki a’di mo tani wakan si’da/ eya Ḵrisṯẖos mo tani ana minu pwaḵ momalas si’da/ ki nyanye/ mo be.

Hili aman ṯoshkina ki aman bu’thkina gwon dwall jin toru ’twa/a ’cesh mmowu mo. Hili a’di yansan mmodhu aman mo mmo’koki cesh mo ki is bam mo, hili eya Arumgimis mo a’di jin ’de’kki ku gi wukin mo be.

Hili a’di ta’da Arumgimis be jin ṯelki aman sho’k mo nyaḵki um eya Ḵrisṯẖos mo dhali gwom piti jin ḵankina a’di am mo be. A’di karki mon’dap̱ piti ap̱o/ am mo dhali c̱iki aman Shi/in piti eya dum bam mo me’d to jin woṯẖu/ ’twa/ mo be.

Waḵki/ aman ṯoju bwa mo tani a’di ta mii gom momalas bum mo dhali bway mowoṯẖ mo. Dhali waḵki/ aman malaskunu mo tani a’di si’da/ ta mii gom momalas bum mo jin wana gwo um kani bwa mo ki um ’kuc̱ki bwa mo ki ’kari’th mmo’dim ’kup̱ mo e mo gi isa nyor yan jin nyaḵka’d ki kun ’koshki am mo be.