Popular Bible Verses from ṮIMUṮH̱AWUUS ’DE/ 6

Share

Asi ki as gana/ mo gom moŋgam gwo is mo. Budhi a’di ki nyeŋ mo, a’di jin ta mondiki/e ki sule/ ya ye ’ba/ mo, a’di jin yuḵkunu /e nycine/ mo me’d jin pikina /e gwom ’boro’d mo gom a’di mo e buŋ’kusi iman/o gwo ka ris mo.

Haali/ mo jin enuwa guurush mo tani a’di ta’da birman goma ris tonthusi ’baar mo. Gom ’daŋ gwo yan jin ’kosho’d mo tani kun tiya perkin mo ’peni bway gi moŋgam gwo is mo dhali uni su’kkin ma dum buni ki la/a’d la/a’d ka ris mo.

Dhan mii ’kon kun gamuwa du is ki mii ma gayiin jin luŋuwa luŋ mo waḵki/ mo jin thisu is e di’d si’da/ mo

haali/ ana ’konaki ’do miin tiya ’kup̱ pa mo e mony’cesh yan mo dhali a’di mishu ka jiŋ gana/ mo ki ana mola toŋ kamu/ bu’th mmoḵal ’peni mony’cesh mo.

Dhali gom uni kun ta pa ki pa mo e mony’cesh yan mo tani ḵani uni gwo mo mmo’koki ’do bwam buni isi mis mo walla mmodhu mo ma ’teŋ kap̱em buni ap̱o/ pa jin tana uni jin mii uni e ki ’kala/ ’kala/ mo, hili ap̱owa Arumgimis mo jin c̱iki ana aris to ’baar mo ki moŋ’ka’d me’di is mo mmo’kuny bwa mo.

Hili uni gwansan kun ’kona gwo ibwa mo mmota pa ki pa mo tani uni ṯa’kkin mo e mo jin paluwa pal mo dhali e mo ma gume/ jin bu’thki’da bu’th mo dhali eya ris miim p̱us mo dhali bwa jin onu gwo jin ta jama/ ki jama/ mo mmobul ’kwani ’kup̱ e mo jin daḵu gwo me’d mo dhali mo jin ’ce’duwa ’ce’d sho’k mo.

Uni mini mii to ki ’bore/ mo mmota pa ki pa mo ki miim ’borga/ mo dhali mmoc̱i to ki nyanye/ ka ’ka’d me’di is mo. Wakan mmodhuna uni to mmo/ish ḵumma/ mo gom is buni mo mmota moŋḵa’b jin ’bora’bor mo gom yilaŋ kamu/ mo tani wakan ki uni mini bu’th mondiki/e ki nyeŋ mo, a’di jin ta mondiki/eŋ gana/ mo be.