Popular Bible Verses from ṮIMUṮH̱AWUUS ’DE/ 3

Share

Ka jiŋ gana/ ana pikina gwo mo gom a’di yansan jin ta dhan gwo jin c̱inu ki jim bag mo jin ta jim bana jin luŋa ana aluŋ mo: A’di jin ṯorkunu eya tente/ mo e shuman is mo, dhali a’di jin karkunu ki mo ma ḵar/e e Shi/in mo dhali a’di jin p̱arkina iman’doyu gwo e mo dhali a’di jin c̱ikunu gwo mo e bwaman kal gi ’kwaniny’cesh mo dhali a’di jin gamkina ’kwani gwo is mo e mony’cesh mo dhali a’di jin bu’thkunu bway momis mo e monyca mo.

Wathi/ gwanyjaḵa/ midi mii diki mii ta gi mii ’ba/ mo, dhali a’di midi mii ta ga ’bom jasi ’de/ mo, dhali a’di midi mii ta wathi/ jin min ma du ’tim mo, dhali a’di midi mii ḵu’th is ki ’cese/ ’cese/ mo dhali a’di midi mii diki lo’b is piti nycine/ mo, dhali a’di minu mii ta gu’b piti ŋal mo, dhali a’di midi mii ta gwocon ki gwocon mo mmoṯor gwo mo

A’di midi mii mish kuŋ gu’b piti dhu ki ’bore/ mo, mmodhu uc̱im piti mmo’dap̱a bora ’cesh mo mmociḵ gwo mo dhali mmotaḵa taḵ mo ka ris ’twaŋkal kuku/ mo.

Dhalki uni kun cila to hil goma ḵaniisa mo ta gi up̱ jasi ’deṯe/ ’deṯe/ mo dhali dhalki uni mish uc̱im buni dhu mo dhali kuŋ gu’b buni ki ’bore/ mo. Haali/ uni gwansan kun miiki to ki ’bore/ mo me’d uni gun cila to hil mo goma ḵaniisa mo tani uni gam ’twa/ maŋ mo gom miiŋ gana/ jin gama uniya du is mo gom is buni mo dhali si’da/ adhan mo jin wunu jwa i is mo e moŋgam gwo is mo, a’di jin diki’d eya Ḵrisṯẖos jin ta’da Yesus mo be.