Popular Bible Verses from KURINṮH̱UUS ’DE/ 15

Share

Wakan um pem gun enka/ mo, kun tana waḵ mo tani ṯeli mo dhali tayi ku gi minu mol joc̱ mo dhali ’dap̱i ’twa/ mo isa yempa/ eya ṯu’c gi Tap̱a mo mmomisha um ki um ’koki miiya ṯu’c gi Tap̱a ki p̱e’th mo be.

Hili mo jin ’boruwa ’bor bwa i is mo midi di mo goma Arumgimis mo a’di jin c̱iki ana momp̱i mii e e Tap̱am bana jin ta’da Yesus Ḵrisṯẖos mo be.

Dhalku/ ki ta ku gun minu he’k e mo. Mii jin cenu e ki tonthus mo tani uni shi/i miim ’boron kun boṯu mo be.

Hili ka ’the ma Arumgimis mo tani aha/ be itana aha/ mo, dhali ka ’them piti ’kup̱ ki aha/ mo tani a’di yisa ki p̱etha. E gwo gi c̱a’ckon mo tani aha/ miikina ṯu’c jin ’batha’ba’th mmobol unin tiya e mo gun miikin mo. Ba a’di yisa ta aha/ mo, hili a’the ma Arumgimis mo, a’di jin diki’d e aha/ mo be.

Ayy wuwa, mane miim pini jin p̱ina /e mii eye? Ayy wuwa, mane mom pini jin woja /eya wojje? Mowoj jin woja wu mo tani a’di ta miinthus mo dhali mom’bi’th gi miinthus mo tani a’di ta gwoŋḵan jin c̱inu mo be.

Hili, aha/ ṯora um gwo jin ta jim bag mo. Ki ana ’baar mo mina ’koki ish e mo be, hili aris ana ’baar mo minu aḵ e mo be, e mo jin ta ari mo mo, dhali e mo jin ’kamu’thkunu e mo tani ka poome/ jin ta jiŋ ’ko’d dhalkunu me’d mo be. Haala poome/ midi koyu/ mo dhali uni gun wun mo tani minu ’deku/ mo e buŋgwar kun moli p̱u/ mo dhali ana minu aḵ mo be.

Haali/ ki wathimpa mo tani a’di p̱u’dkina wu mo dhali ki wathimpa mo tani a’di p̱u’dkina mo jin piyunu/ mo si’da/ ’peni mowu mo be. Haali/ me’d jin wukina ’kwani ’baar mo eya Aadam mo tani wakan si’da/ eya Ḵrisṯẖos mo tani aris uni ’baar mo minu dhu ki e mo be.

Haali/ buŋgwar is yan jin mishi p̱u/ mo tani midi mii war gi buŋgwar is jin moli p̱u/ mo dhali buŋgwar shuman is yan jin mishi wu mo tani midi mii shum mo ki mo jin moli wu mo be.

Haali/ a’di midi mii ta Tap̱a mo ntagi a’di midi dhu aris uni ’baar mo kun ta ’kup̱ gi a’di mo e bwaŋ’kwariny sho’k piti mo be. Dhali ’kup̱ jin ta jiŋ ’ko’d jin minu ’ce’d sho’k mo tani ta wu mo be.