Popular Bible Verses from KURINṮH̱UUS ’DE/ 12

Share

E uni ’baar ka ’deṯe/ ’deṯe/ mo tani mo jin ṯoru ki Shi/in mo tani a’di c̱inu mo gom mo jin woṯẖuwa woṯẖ mo gom ’kwani ’baar mo.

Shwane/ um ta buŋgwar is ma Ḵrisṯẖos mo dhali umi ’baar mo ta tom buŋgwar is piti ki she/ ki she/ mo be.

Waḵki/ tom buŋgwar isa ’deŋ kamu/ ’koshu ki isa nyor mo tani aris uni ’baar mo ’koshu ki isa nyori monṯal ’de/ mo. Waḵki/ tom buŋgwar isa ’deŋ kamu/ taḵu mo tani aris uni ’baar mo ’kunya bwa mo imonṯal ’de/ mo be.

E wathiŋ kamu/ ’de/ mo tani a’di c̱inu Shi/in mo jin ta moyuḵ gi gwo mo dhali e jaŋ kamu/ mo tani mo jin ta monyiṯẖ gi gwo mo isi me’d gwo gi ṯala Shi/ina ’de/ mo be. E jaŋ kamu/ mo tani mo jin gamu gwo is mo tani ki jasi Shi/ina ’de/ mo. E jaŋ kamu/ mo tani to gun c̱inu ki me’d mo mmowac̱a wac̱ mo tani ta ji gi Shi/ina ’de/ mo be. E jaŋ kamu/ mo tani mo jin miinu miimer mo dhali e jaŋ kamu/ mo tani mmo/o gwo jin onu is mo dhali e jaŋ kamu/ mo tani mo jin mishu shi/in mo mmodhu ka ḵwa/um bwa mo dhali e jaŋ kamu/ mo tani mo jin mishu ’twan tiya wal mo e kuku/ mo dhali e jaŋ kamu/ mo tani mo jin mishu ’twa/ luḵ ki ’twan tiya mo be.

Aris uni gwansani ’baar mo umu mo ’peni a’din ’de/ mo dhali Shi/in ṯal ’de/ mo mmopwaḵ bwa mo e uni ka ’deṯe/ ’deṯe/ mo me’d jin ona a’di bwa mo be.

ki moŋkamu/ midi ’taki diki di ki shu mo e buŋgwar is mo, hili ki to gi buŋgwar is mo mini nyaḵ hili e ka rem ’kup̱ mo be.

Hili to gun c̱inu ki me’d mo tani tana e kuku/ mo, hili ’peni Shi/ina ’de/ mo be. Dhali hili mii ma ṯu’c tana e kuku/ mo, hili Tap̱a ṯal ’de/ mo be. Dhali hili mo jin miinuwa ṯu’c tana e kuku/ mo, hili a’di ta’da Arumgimisa ’de/ mo jin umki uni eya ris uni ’baar ka ’deṯe/ ’deṯe/ mo be.

Dhali Arumgimis a’di ki lege’th kun tiya eya ḵaniisa mo: Uni gunn kun ta kun ṯwa/a/ mo ta uni gun dhunu ki she/ mo, dhali kuŋ ’ko’d mmota imanc̱i gwo kun onu is mo dhali kun ’kon ma p̱o/i kwara mmota imanṯor gwo mo, dhali kun ta imanmii miimer mo dhali kun ta imanwac̱a wac̱ mo dhali kun ta imanwoṯẖa/ woṯẖ mo dhali kun ta imanjiya ji mo dhali kun ta imanwal ’twan tiya ki she/ ki she/ mo be.

Haali/ buŋgwar is mo tani a’di diki ta jasi gom en toŋ kamu/ mo hili gom mmota aris mo be.

E gwo jin ta c̱a’ckon mo tani ’ban gi buŋgwar is mo kun simmi mii e mo mmo’ka’d is mo tani uni ta uni gom a’di mo be.

Waḵki/ buŋgwar is ka ’bimpil mo midi ’taki ta e mo tani mane mo jin minu ’taki ciḵ gwo mo? Waḵki/ buŋgwar is ka ’bimpil mo midi ’taki ta ’ce mo tani mane mo jin minu ’taki jiḵa shim to mo? Hili me’d jin wana a’di kan mo tani Arumgimis a’di thumki hilsaŋ e buŋgwar is mo uni ’baar ka ’deṯe/ ’deṯe/ mo me’d jin kwanykina a’di uni mo be. Waḵki/ hilsaŋi ’baar mo mini ’koki lac̱a/ mo tani mane mo jin mina buŋgwar isi ’taki di mo?