Popular Bible Verses from Hiblu 6

Share

Chɨnop dɨtep gɨnɨgab ak kod mɨdobun nɨm ak, gos tɨmud nɨbi ak mɨdtep gɨl kɨles gɨnɨmɨb agak tek yonɨgun. Gos tɨmud anɨb ak, sip anka dɨ mɨdebal tek yonɨgun. Pen bɨ chɨnop dɨtep gɨnɨgab ak kod mɨdobun ak, Jisas nokom nɨm. Jisas ne amɨl, God agnɨgep kal awl ñɨluk mɨgan ayaŋ chech palawl kanɨbtub pɨl gɨlak ak pɨskɨd amɨl, kaw ñɨluk mɨgan ayaŋ amnak.

God ne bɨ tɨmel gep ak mel. Nɨbi binɨb Klays yɨl mɨdebal okok, kɨlop ned abe mɨñɨl abe gɨñɨl dɨtep gɨpɨm. Anɨgem ne nɨŋɨd nɨgup, nop gos nɨŋɨd mapen lɨl wog tep anɨb ak gɨpɨm. Nɨm ak sawl ma gɨnɨgab.

Pen mɨñɨl takaw omɨŋal mɨdeb, God ne yepɨs ma apin nɨŋɨd yɨbɨl agebin agak ak sek, ne gɨnɨgayn agebin tek gɨnɨm agak ak sek. Takaw omɨŋal anɨb okok tɨg adɨkɨl gɨnɨmuŋ tek ma lup. Pen chɨn nopun, God ne yepɨs agep tek ma lup. Anɨb ak chɨn binɨb pɨlɨkɨl, God yɨl we gɨlɨg opun okok, gos sek yonɨgun. God ne gɨnɨgayn agebin tek gɨnɨm agak ak nɨŋɨd, chɨnop dɨtep gɨnɨgab ak kod mɨdobun.

Anɨb ak chɨn mɨñɨl ñɨsɨkol paysɨkol tek ma yonɨgun, binɨb awl gɨpal okok kɨli takaw nepal tek mɨdɨl, Klays takaw ne nɨg dɨnɨgun. Klays takaw ne ned nɨgɨnok ak nep tepayaŋ agɨl tepayaŋ agɨl ma agɨnɨgayn. Chɨn Klays takaw ned nɨgɨnok ak pel nɨŋɨd lɨl nɨm, kal gɨnɨg mab meg puŋɨl tepayaŋ tɨgjuwɨl, tepayaŋ puŋɨl tepayaŋ puŋɨl gɨpun tek, kal gɨjunɨgun tek ma lup. Takaw anɨb okok apin ak, wog yokɨp gɨpun ak kelɨgɨl, tap si tap tɨmel gɨpun ak taynen anɨgɨpun agɨl kelɨgɨpun takaw ak. Pen God nop gos lɨnopun takaw ak.