Popular Bible Verses from Roˉma‸ li‸ 4

Share

Gʼuiˬsha ve ka ti‸ shaˉ caˆ hta‸ yawˇ dawˇ nyi htaˇ, yawˇ yonˍ ve teˇ ceuˬ lehˬ htawˇ dawˇ nawˬ dawˇ maˇ cawˬ. Yawˇ yonˍ ve awˬ gʼaˇ uiˍ la leh, Gʼuiˬsha hta‸ chiˇ uiˍ chiˇ mvuh ve yoˬ. Ka ti‸ shaˉ caˆ piˇ taˍ ve hkʼe Gʼuiˬsha te hpeh‸ ve hta‸ Aˍbraˍhanˍ yonˍ yeˬ jaˇ ve yoˬ.

Aˍbraˍhanˍ lehˬ, ngaˬ hui ve awˬ pa hpeh‸ ve awˬ lawn Li‸ hpu hkʼaw lo chi hkʼe bvuh‸ taˍ ve, Chaw ceuˬ laiˉ ceuˬ ve awˬ pa ngaˬ nawˬ hta‸ hpeh‸ piˇ lawˬ ve yoˬ teh‸ bvuh‸ taˍ ve yoˬ. Suh peuˬ ve chaw teˇ hpaˍ hta‸ kʼaw‸ te‸ tu la piˇ leh, maˇ hpeh‸ la sheˍ ve awˬ ceuˬ teˇ hpaˍ hta‸ hpeh‸ la piˇ shehˍ hpaˇ Gʼuiˬsha hta‸ yawˇ yonˍ leh, Gʼuiˬsha mehˆ gʼuˇ suhˍ ka ti‸ shaˉ caˆ hta‸ yawˇ gʼa ve yoˬ.

Ngaˬ hui ve ya‸ kuiˬ jiˆ kuiˬ teˇ hpaˍ hta‸ pa taw Jawˇmawˇ Yeˍsuˆ hkanˍ suh leh, ngaˬ hui hteˇ ve cawˇ ve chaw hpeh‸ la tuˬ, yawˇ kʼaw‸ te‸ tu la peuˬ ve yoˬ.

Chaw ceuˬ laiˉ ceuˬ ve awˬ pa hpeh‸ la tuˬ, dawˇ law kuiˬ maˇ cawˬ htawˇ, yawˇ yonˍ leh dawˇ law chehˇ ve yoˬ. Awˬ lawn kʼo, Nawˬ ve awˬ yaˇ awˬ duˬ lehˬ, oˇ hkʼe hpeh‸ tuˬ yoˬ teh‸ Gʼuiˬsha yawˇ hta‸ kʼoˆ piˇ taˍ ve pa taw yoˬ.

Hkʼe te leh, Gʼuiˬsha ve awˬ bon hta‸ pa taw ceh tiˉ awˬ shinˉ hta‸ gʼa hpeh‸ leh, Aˍbraˍhanˍ ve awˬ yaˇ awˬ duˬ hkʼa peu-eˬ ka ti‸ shaˉ caˆ hta‸ awˬ tehˬ awˬ na gʼa hpeh‸ tuˬ, Aˍbraˍhanˍ yonˍ ve teˇ ceuˬ hta‸ Gʼuiˬsha cuˇ leh awˬ shinˉ piˇ ve yoˬ. Awˬliˇtawˇhkawˇ hta‸ cuˇ ve chaw hui ceh tiˉ ka ti‸ shaˉ caˆ hta‸ gʼa tuˬ ve maˇ heˆ. Ngaˬ hui hkʼa peu-eˬ ve awˬ pa Aˍbraˍhanˍ yonˍ ve hkʼa shuˍ shuˍ, hkʼa yonˍ ve chaw hui htawˇ gʼa tuˬ yoˬ.

Yawˇ kʼoˆ ve, Ya‸ kuiˬ jiˆ kuiˬ teˇ hpaˍ hta‸ hpehˇ piˇ peuˬ leh, venˇbaˆ hta‸ beh taˍ peuˬ ve chaw teˇ hpaˍ lehˬ, awˬ bon uiˍ ve yoˬ. Jawˇmawˇ Gʼuiˬsha venˇbaˆ maˇ taˍ ve chaw lehˬ, awˬ bon uiˍ ve yoˬ teh‸ kʼoˆ ve yoˬ.

Li‸ hpu awˬ hkʼaw lo hkʼaˬ hkʼe kʼoˆ ve le. Aˍbraˍhanˍ lehˬ Gʼuiˬsha hta‸ yonˍ ve pa taw, Gʼuiˬsha yawˇ hta‸ hteˇ ve cawˇ ve chaw shawˍ taˍ ve yoˬ teh‸ kʼoˆ taˍ ve yoˬ.