Popular Bible Verses from Roˉma‸ li‸ 14

Share

Awˬ lawn kʼo, Gʼuiˬsha ve mvuhˇmiˬ lehˬ, caˇ tuˬ dawˬ tuˬ hpeh‸ ve maˇ heˆ. Ya‸ hkʼaˇ, da‸ ve kehˬ ve Awˬ ha hpu hta‸ pa taw hteˇ ve cawˇ ve, dawˇ sha gaˇ sha ve leh, ha lehˬ ve awˬ ceuˬ hpeh‸ ve yoˬ. Hkri‸ awˬ pon chi hkʼe kanˉ te ve chaw hta‸ Gʼuiˬsha nyi hkʼaˇ suh leh, chaw yaˇ htawˇ yawˇ hta‸ nyi ma cawˇ ve yoˬ.

Ngaˬ hui te‸ ve lehˬ, Jawˇmawˇ Yeˍsuˆ awˬ pon te‸ ve yoˬ. Ngaˬ hui suh ve htawˇ, Jawˇ mawˇ Yeˍsuˆ awˬ pon suh ve yoˬ. Hkʼe te leh te‸ ve maˇ kʼoˆ, suh ve maˇ kʼoˆ, ngaˬ hui lehˬ Jawˇmawˇ Yeˍsuˆ ve mawˇ hpeh‸ ve yoˬ.

Hkʼe te leh cawˇ da‸ hui da‸ tuˬ leh, teˇ gʼaˇ leh teˇ gʼaˇ uiˍ la mvuh la tuˬ, hkʼaˬ htaˆ ka‸ te kʼai-a veuˬ.

Chi hta‸ pa taw, ya‸ nyi hkʼaw‸ nawˉ teˇ gʼaˇ hta‸ teˇ gʼaˇ venˇbaˆ taˇ kʼaw‸ taˍ da‸. Awˬ viˉ awˬ nyi hkui htiˇ poˬ paiˍ leh te ya‸ tuˬ ngaˬ maˇ te-o teh‸, nawˬ hui dawˇ cheˆ taˍ loˬ.

Li‸ hpu hkʼaw bvuh‸ taˍ ve hkʼe, Jawˇmawˇ Gʼuiˬsha kʼoˆ ve, Ngaˬ te‸ chehˇ ve hkʼe ngaˬ mehˆ gʼuˇ suhˍ chaw teˇ gʼaˇ le le hkui tcuhˉ teh leh, maw‸ kʼaw teˇ maˬ le le Gʼuiˬsha hta‸ chiˇ mvuh tuˬ yoˬ, teh‸ bvuh‸ taˍ ve yoˬ. Hkʼe te leh, ngaˬ hui teˇ gʼaˇ le le a shu yawˇ awˬ to awˬ lawn Gʼuiˬsha hta‸ gʼa kʼaoˍ maˍ piˇ tuˬ yoˬ.

Yonˍ ve nyi ma awˬ gʼaˇ nuˇ ve chaw hta‸ ha‸ yuˬ-o‸. Ya‸ hkʼaˇ, dawˇ hkʼaˇ maˇ hawˍ da‸ ve teˇ hpaˍ awˬ lawn yawˇ geh tawˇ gʼawˬ da‸ tuˬ awˬ pon ha‸ yuˬ ve taˇ te.

Shu ve awˬ ceˬ awˬ hkʼoˆ venˇbaˆ taˍ ve nawˬ lehˬ, hkʼaˬ hkʼe ve chaw le. Yawˇ hta‸ chehˇ tcuh tuˬ maˇ kʼoˆ, gʼa‸ kʼoˬ tuˬ maˇ kʼoˆ, yawˇ ve awˬ jawˇmawˇ hta‸ cawˬ ve yoˬ. Ya‸ hkʼaˇ, jawˇmawˇ lehˬ yawˇ hta‸ chehˇ tcuh tuˬ yoˬ. Awˬ lawn kʼo, jawˇmawˇ yawˇ hta‸ chehˇ tcuh tuˬ kanˇ paˆ cawˬ ve yoˬ.