Popular Bible Verses from Hpeu‸maˍ ve li‸ 17

Share

Yawˇ hui lehˬ, Yawˬ ehˉ hta‸ bawˆ da‸ tuˬ yoˬ. Ya‸ hkʼaˇ, Yawˬ ehˉ yawˇ hui hta‸ gʼaˇ tuˬ yoˬ. Awˬ lawn kʼo, yawˇ lehˬ jawˇ mawˇ awˬ hkʼoˆ Jawˇmawˇ hpeh‸ leh, hkunˉ hawˉ hkanˇ awˬ hkʼoˆ Hkunˉ hawˉ hkanˇ hpeh‸ ve yoˬ. Yawˇ geh teˇ geh chehˇ ve chaw teˇ hpaˍ lehˬ, kuˬ yuˬ taˍ ve chaw, leuˆ yuˬ taˍ ve chaw leh, ka ti‸ yeˬ ve chaw teˇ hpaˍ hpeh‸ ve yoˬ teh‸, ngaˬ hta‸ kʼoˆ laˇ ve yoˬ.

Oˇ htaˇ, mu‸ hkʼu suhˍ shiˍ cawˬ ve mvuhˇ naw ma tcuh yaˇ suhˍ gʼaˇ awˬ hkʼaw lo teˇ gʼaˇ laˬ leh ngaˬ hta‸ kʼoˆ laˇ ve, Laˬ-o‸. Iˉ kaˆ maˇ ve awˬ hkʼoˆ hta‸ mui chehˇ ve meh maˬ lanˉ lonˉ hta‸ suhˉ jehˬ ve teˇ ceuˬ ngaˬ nawˬ hta‸ maˍ laˇ tuˬ yoˬ.

Nawˬ gʼa mawˬ ve haiˬ ve to nuˇ to shaˆ lehˬ, ponˬ laˬ htaˇ cawˬ ve ka‸, chi beu‸ maˇ cawˬ. Yawˇ lehˬ maˇ maw maw kʼo, leh kuiˬ maˇ cawˬ ve miˬ kʼoˍ awˬ hkʼaw lo tawˆ la leh, luˬ kuiˬ sheˆ kuiˬ lo gʼa lo‸-e tuˬ yoˬ. Mvuhˇ kawˍ miˬ ya‸ htaˇ ka‸ co ti‸ ha ti‸ li‸ awˬ hkʼaw lo awˬ meh maˇ bvuh‸ keu taˍ ve miˬguiˬ hkʼoˆ chehˇ ve chaw teˇ hpaˍ lehˬ, haiˬ ve to nuˇ to shaˆ hta‸ gʼa mawˬ ve teˇ yanˇ, anˇ jaˇ tuˬ yoˬ. Awˬ lawn kʼo, ponˬ laˬ htaˇ yawˇ cawˬ ve ka‸, chi beu‸ maˇ cawˬ leh, awˬ hkʼaw‸ nawˉ kʼaw‸ cawˬ la tuˬ ve hta‸ pa taw yoˬ.

Yawˇ ve naˍ kʼaˍ pui hta‸ tcuhˉ kuiˬ naˉ jaˇ ve awˬ meh chi hkʼe bvuh‸ taˍ ve yoˬ. Uiˍ ve Baˍbuˍlonˍ venˇ lehˬ, meh maˬ lanˉ teˇ hpaˍ ve awˬ e leh miˬguiˬ ve cha‸ chiˆ ve teˇ hpaˍ ve awˬ e hpeh‸ ve yoˬ teh‸ bvuh‸ taˍ ve yoˬ.