Popular Bible Verses from Yoˇhanˬ li‸ 19

Share

Yeˍsuˆ lehˬ, ci ve awˬ gʼuiˬ hta‸ chaw‸ dawˬ peuˬ hkʼaw‸ nawˉ, Kanˉ te peuˬ teh‸ kʼoˆ leh, oˉ kʼoˍ kʼaw‸ lehˍ te sheˬ leh shaˉ cheˆ ve yoˬ.

Oˇ ve awˬ hkʼaw‸ nawˉ, kanˉ hkʼa peu-eˬ te peuˬ ve hta‸ Yeˍsuˆ shiˍ leh, Ngaˬ iˉ kaˆ shiˉ ve yoˬ teh‸ yawˇ kʼoˆ ve yoˬ. Yawˇ oˇ hkʼe kʼoˆ ve lehˬ, Li‸ hpu tawˇ hkawˇ kʼoˆ taˍ ve hkʼe biˇ la ve yoˬ.

Yeˍsuˆ lehˬ, yawˇ ve awˬ e leh yawˇ ha‸ ve awˬ la‸ gʼawˇ yawˇ awˬ paˇ lo huˉ chehˇ ve hta‸ gʼa mawˬ htaˇ, yawˇ ve awˬ e hta‸ yawˇ kʼoˆ piˇ ve, Yaˇ miˇ-oˬ, nawˬ ve yaˇ paˍ hta‸ nyi-o teh‸ kʼoˆ ve yoˬ. Awˬ la‸ gʼawˇ oˇ ve teˇ gʼaˇ hta‸ htawˇ, Nawˬ ve awˬ e hta‸ nyi-o teh‸ kʼoˆ piˇ ve yoˬ. Oˇ ve teˇ yanˇ hta‸ tanˬ leh, awˬ la‸ gʼawˇ oˇ ve teˇ gʼaˇ lehˬ, yawˇ ve aˉ hkʼaw lo Yeˍsuˆ ve awˬ e hta‸ shiˍ teh taˍ ve yoˬ.

Ya‸ hkʼaˇ, Yeˍsuˆ geh gaˬ la htaˇ, yawˇ suh peuˬ ve hta‸ gʼa mawˬ ve pa taw, yawˇ ve hkui sheh hta‸ yawˇ hui maˇ dawˆ hteh. Ma‸ yaˇ teˇ gʼaˇ yawˇ ve nyi kuˇ hpawˇ hta‸ gehˇ juˆ leh, awˬ suhˍ leh iˉ kaˆ teˇ cawˬ haˉ tawˆ la ve yoˬ.

Oˇ hkʼe hpeh‸ la ve lehˬ, Yawˇ ve awˬ mu‸ ku teˇ ma ka‸ maˇ gʼa dawˆ hteh teh‸, Li‸ hpu hkʼaw bvuh‸ taˍ ve tawˇ hkawˇ biˇ la tuˬ awˬ pon hpeh‸ la ve yoˬ. Li‸ hpu awˬ hkʼaw lo awˬ kaˍ awˬ nu teˇ kaˬ kʼoˆ taˍ ve, Yawˇ hui juˆ pawnˍ taˍ ve teˇ gʼaˇ hta‸ yawˇ hui nyi tuˬ yoˬ teh‸ kʼoˆ taˍ ve yoˬ.

Hkʼe te leh, yawˇ hui Yeˍsuˆ hta‸ yuˬ leh yawˇ hta‸ sheh tawˆ-e ve yoˬ. Yawˇ lehˬ yawˇ ve la‸ ka hta‸ taˆ leh, oˉ koˆ teh‸ kʼoˆ ve chehˇ kuiˬ lo kʼai ve yoˬ. Chehˇ kuiˬ oˇ ve lehˬ Heˍbrehˇ hkawˇ kʼo, Gawˇlaˍgawˇtaˆ meh ve yoˬ.

Ma‸ yaˇ teˇ hpaˍ lehˬ, aˉ chuˇ te hta‸ yuˬ leh shi uˉ tcuhˍ hkʼe te gʼa‸ sheˬ leh, yawˇ ve oˉ kʼoˍ hta‸ hkʼawˆ piˇ ve yoˬ. Peuˬ leh, nyi naˆ meuˉ lehˍ ve aˉ po‸ zuhˬ ma yawˇ hta‸ deh piˇ ve yoˬ.