Popular Bible Verses from Daˍyeˍlaˆ li‸ 6

Share

Jawˇmawˇ tawˇ oˇ hkʼe piˇ taˍ peuˬ ve hta‸ Daˍyeˍlaˆ gʼa shiˍ ve teˇ yanˇ, yawˇ aˉ hkʼaw kʼo‸-e ve yoˬ. Yawˇ ve yehˬ awˬ na teˇ bawehˇ hkʼaw, Yeˍruˆsaˍlehnˍ venˇ hpawˇ lo hpaw taˍ ve yehˬ miˉ ehˉ teˇ maˬ cawˬ ve yoˬ. Teˇ nyi le le te jaw ve hkʼe, yawˇ oˇ kaˬ lo kʼai leh teˇ nyi shehˆ pawˆ bon lawˬ ve yoˬ.

Laˇ caˬ shiˉ teˇ hpaˍ ngaˬ hta‸ maˇ gʼa che‸ caˇ tuˬ, Gʼuiˬsha lehˬ mvuhˇ naw ma tcuh yaˇ teˇ gʼaˇ peu laˇ leh, laˇ caˬ shiˉ teˇ hpaˍ ve maw‸ kʼaw hta‸ hoˆ piˇ taˍ ve yoˬ. Jawˇmawˇ-oˬ, ngaˬ nawˬ hta‸ te‸ chiˉ te ya‸ kuiˬ maˇ cawˬ ve hta‸Yawˇ shiˍ ve pa taw, chi hkʼe te laˇ ve yoˬ, teh‸ jawˇmawˇ hta‸ kʼaw‸ yaw hkʼaw‸ piˇ ve yoˬ.

Ngaˬ ve mvuhˇmiˬ hkʼaw hkʼa chehˇ ve chaw teˇ gʼaˇ le le, Daˍyeˍlaˆ ve Gʼuiˬsha hta‸ kawˆ leh yawˆ yan tuˬ ngaˬ tawˇ pe‸ laˇ ve yoˬ. Yawˇ lehˬ te‸ chehˇ ve Gʼuiˬsha hpeh‸ leh, co co taiˍ taiˍ uˉ peunˍ chehˇ ve yoˬ. Yawˇ ve mvuhˇmiˬ teˇ pawˆ ka‸ luˬ kʼai tuˬ ve maˇ heˆ. Yawˇ lehˬ htaiˍ hkʼaw‸ puiˉ ve yoˬ. Mvuhˇ naw ma hkʼoˆ leh miˬguiˬ hkʼoˆ lo, yawˇ anˇ tuˬ te puiˉ ve yoˬ. Laˇ caˬ shiˉ teˇ hpaˍ ve maw‸ kʼaw hkʼaw lo, Yawˇ Daˍyeˍlaˆ hta‸ ponˬ piˇ taˍ peuˬ, teh‸ li‸ bvuh‸ feu piˇ ve yoˬ.

Hkʼe te leh, jawˇmawˇ lehˬ Daˍyeˍlaˆ hta‸ hpeh yuˬ leh laˇ caˬ shiˉ hkawˆ hkʼaw baˬ keu piˇ tuˬ tawˇ piˇ ve yoˬ. Oˇ htaˇ jawˇmawˇ lehˬ, Nawˬ gʼaˇ va chehˇ ve Gʼuiˬsha nawˬ hta‸ htaiˍ hkʼaw‸ laˇ piˇ-oˆ, teh‸ Daˍyeˍlaˆ hta‸ kʼoˆ piˇ ve yoˬ.