Popular Bible Verses from 2 Tiˆmoˉseˍ li‸ 1

Share

Awˬ lawn kʼo, Gʼuiˬsha lehˬ ngaˬ hui hta‸ kawˆ puiˉ ve nyi ma pe‸ laˇ ve maˇ heˆ. Kanˇ paˆ cawˬ ve nyi ma, ha‸ pehnˇ ve nyi ma leh, a shu yawˇ awˬ to hta‸ gʼaˇ puiˉ ve nyi ma yawˇ ngaˬ hui hta‸ pe‸ laˇ ve yoˬ.

Gʼuiˬsha lehˬ, yawˇ dawˇ law taˍ ve hkʼe hpeh‸ la tuˬ, yawˇ ve awˬ bon hta‸ pa taw ngaˬ hui hta‸ htaiˍ hkʼaw‸ laˇ leh, da‸ kehˬ ve hta‸ te tuˬ awˬ pon ngaˬ hui hta‸ kuˬ yuˬ taˍ ve yoˬ. Ngaˬ hui kanˉ te ve hta‸ pa taw yawˇ chi hkʼe te laˇ ve maˇ heˆ.

Hkʼe te leh, ngaˬ nawˬ awˬ hkʼoˆ la‸ sheh taˍ ve pa taw nawˬ awˬ hkʼaw lo cawˬ taˍ ve Gʼuiˬsha ve la‸ shawnˍ hta‸ aˬ miˍ gu ceh ve hkʼe hkʼa deh‸ gu ceh tuˬ, ngaˬ nawˬ hta‸ dawˇ nawˇ laˇ ve yoˬ.

Hkʼe te leh, ngaˬ hui ve Jawˇmawˇ Yeˍsuˆ awˬ pon shaˉ hkiˆ hkanˍ tuˬ taˇ ya‸ taw. Yawˇ awˬ pon htawnˍ hkʼaw gʼa chehˇ ve ngaˬ hta‸ pa taw htawˇ taˇ ya‸ taw. Gʼuiˬsha geh kanˇ paˆ gʼa taˍ ve hkʼe, ha lehˬ ve bon hkawˇ awˬ pon gʼa tu‸ gʼa hkanˍ ve teˇ hpaˍ hta‸ ngaˬ geh teˇ geh hkanˍ-o‸.

Chi hta‸ pa taw ngaˬ chi hkʼe gʼa tu‸ gʼa hkanˍ ve yoˬ. Ya‸ hkʼaˇ, ngaˬ maˇ ya‸ taw. Awˬ lawn kʼo, ngaˬ yonˍ chehˇ ve awˬ shehˍ hpaˇ hta‸ ngaˬ shiˍ taˍ ve yoˬ. Ngaˬ yawˇ hta‸ hkʼa chiˇ a‸ piˇ taˍ ve teˇ hpaˍ, awˬ nyi oˇ ve teˇ nyi hkʼa gaˬ yawˇ ha‸ shaˉ taˍ gʼa ve yoˬ teh‸ ngaˬ hkʼa deh‸ shiˍ taˍ ve yoˬ.