Chi hta‸ pa taw, gʼaˇ hte‸ coˇ caˇ leh, nawˬ hui yonˍ ve teˇ ceuˬ awˬ hkʼoˆ, da‸ ve awˬ liˇ cawˬ piˇ-oˆ. Da‸ ve awˬ liˇ awˬ hkʼoˆ, cuˇ yiˍ cawˬ piˇ-oˆ. Cuˇ yiˍ cawˬ ve awˬ hkʼoˆ, a shu yawˇ awˬ to hta‸ gʼaˇ puiˉ ve teˇ ceuˬ cawˬ piˇ-oˆ. A shu yawˇ awˬ to hta‸ gʼaˇ puiˉ ve awˬ hkʼoˆ, yeunˇ hkanˍ puiˉ ve teˇ ceuˬ cawˬ piˇ-oˆ. Yeunˇ hkanˍ puiˉ ve awˬ hkʼoˆ, Gʼuiˬsha hta‸ yawˆ yan puiˉ ve teˇ ceuˬ cawˬ piˇ-oˆ. Gʼuiˬsha hta‸ yawˆ yan puiˉ ve awˬ hkʼoˆ, awˬ viˉ awˬ nyi hta‸ ha‸ ve teˇ ceuˬ cawˬ piˇ-oˆ. Awˬ viˉ awˬ nyi hta‸ ha‸ ve awˬ hkʼoˆ, ha‸ da‸ pehnˇ da‸ ve cawˬ piˇ-oˆ.