Popular Bible Verses from Hebrews 11

Share

Aman ncè-a-ndav, nenga'a man nga suna, nga ngècè skwi man nga zhèrè te ndav, skwi man nga rka a di ɓai, aman nga sun te ndav nga, na zhè a vava. A géƌ ncè-a-ndav arsa, ndohi hala'a ta ngots skwi man Zhiklè a ngreda ta.

Aman ndo man a nca a ndav ɓai, ambaba Zhiklè ɓai. Ko wawa man a herda na va a Zhiklè, sèi do co a ndav na, Zhiklè a zhè, a va ta skwi ntul ta a tengahia'a man ta hèshè'a.

A géƋ ncè-a-ndav nga suna, ma Zhiklè a ngu herkeda, a skwi man nga rka'a, n'nga'a te skwi man nga rka a di ɓai.

A géƋ ncè-a-ndav na, Abraham a ndzodzor ma Zhiklè, aman a baba na, a ndo a sam man Zhiklè a gaƋa na do a pa, aman a da ngècè'a a nda ndohi n'ndi gi nenga'a. A nenga'a a mdo, ko a sun sam man a dè a pa ɓai. A géƋ ncè-a-ndav na, a n'nza te kokwar man Zhiklè a ngaƋa a woya a mva na, ara mbrok, a n'nza a gèjèkdakhai, ara Isaac a Jacob, ndohi n'ndi mpèsl ri Zhiklè ara nenga'a.

A géƋ ncè-a-ndav na, Noé a ngu zlau Zhiklè, a ngu wurom, man a mbela gi nenga'a, aman a ntsena ma Zhiklè, a géƋ skwi man n'nga di ɓai. Ncè-a-ndav nenga'a a nfa na mali a gèƋ a herkeda; aman nenga'a a ngots ngizura'a, man nga ngècè'a, a géƋ man nga co Zhiklè a ndav nga.

A géƋ ncè-a-ndav, Zhiklè a nco Enoch, m'metsahi ɓai, a ta ngatsa a géƌ herkeda ɓai, aman Zhiklè a mco. Ga Zhiklè a ncè'a, a n'ngra na, ka ambabayè.

A géƋ ncè-a-ndav, Abel a nzla na skwi man ambaba Zhiklè holhola'a, a fena Cain. A géƋ ncè-a-ndav nenga'a, Zhiklè a n'ngreda auda ara ndo nzura'a, a nco skwi man a va na; a Abel, ko m'metsa ma, a gèƋè.

A géƌ ncè-a-ndav na, Sara a n'ngots wuƋai man a ngècè kra, ko nhala ma, te man a gaƋa: nenga'a man a mpaslay rai, nlèɓèslèa.

Aman nenga'a a zhor kokwar, man verzi na tara'a, man Zhiklè a ngau, a nƌüzlo.

A géƋ ncè-a-ndav nenga'a, man Moise ngra ma, a woya a ndi a kra bai, kra dem Pharaon, ɓai; a nhur dara nga da nzi a matakwan a nda ndohi Zhiklè, a géƌ man i wèl va kètè t'hwaƌ malai a géƌ herkeda. A nrka skwi ndzi a géƌ Kristi ara skwi mbia'a, a fena skwi mèshèlè te kokwar Egypte tèlèba, te man a mpu di a skwi ntulè man a ma, man a da ngècè te deɓa'a. A géƌ ncéandav nenga'a, a njèkeda kokwar Egypte, a n'nga zlau ndzoan bi ɓai, aman a n'nza tara'a, ara man a rka nenga'a man a rke a di azɓai.

A géƋ ncè-a-ndav nenga'a, Abra ham a mvau Isaac a pats marv Zmklè a njkeda, a mvau kra nenga'a, kra nenga'a staƋgenè, ko a n'ngots ma mpèsl ri a géƋ nenga'a ma.

A géƋ ncè-a-ndav ta keƋa Rabab, fali ngwoz, a nda ndohi ncè a ndav ɓi ɓai, te man a mpe ta ndohi nzeɓi kokwar a gai a gumai.

A géƋ ncè-a-ndav nenga'a ta beza a ndev woyam mbia'a nduzoa, ara man ta beza a sam man iyam az a pa ɓai. Ndohi Egypte ta woya a ta jkedè arsa, a iyam a nzede ta.

A géƋ ncè-a-ndav, zlazlar Jéricho a m'mbeƋ ria hai, aman ta tèuda pa m'mèn tsaraƋ.

A géƌ ncè-a-ndav nenga'a a ngu ngolala Pâque, a nguceda pombaz, aman gol Zhiklè, man a bèzlè ndo, a slaha a mbazl ta tsuvomhi Israel ɓai.

A géƋ ncè-a-ndav nenga'a, Joseph a ngaƋa ta wudahi Israel, ga a metsi na, a géƋ man ta da jèkeda kokwar Egypte, a ngaƌa ta aman ta da hil vatasl nenga'a a rai.

A géƋ ncè-a-ndav nenga'a, Jacob a mpshè ta ma wudahi Joseph cèw, ga a metsi na, a ntsu ri a Zhiklè, a ntho gèƋ a gaƋa.

A géƋ ncè-a-ndav nenga'a, Isaac a mpshè ta ma a nda Jacob a Esau, a ngoƋ a géƋ skwi man a di a shkè.