Popular Bible Verses from ROMA 1

Share

Nə pa' ŋ tə ŋkhuso nə Cuŋ pɑpuŋ pɑ́: A bɑ tʉɔ Si nə ywə vɔk bi bǎ ya mo lə́ yə ě piŋ a. Də́ŋdzə̀ nə pɑ Yudea biŋ bɔtə́ nə pɑ Grikia.

A shyə m nə́ e tə́ pu yɔ nwə dəŋdəŋ Si, shyə m nə́ piŋnthʉm biŋ bɑ́ ba m nə piŋnthʉm, shyə m nə pa' a bɑ pu və gɑ́: Mo yə e bɑ dəŋdəŋ nə piŋnthʉm a gɔ sɔ' vɔk.

Nə pa' tə fɑ nə nə́ nyaptə dzʉ̌, tsə dɔlɔ̌ Si tsyə́ pú tə́ jɔ a pɑ, yə a bɑ tʉɔ mama, ba pa' e nə bɑ a, pu jɔ nə mfa' myə, nə zhyənwə; a po'o tə bi a pu lə lɑ sɔmywə nə shwyɛ' wap pɑ.

Nə pa' wap lə bɑ wap zhyə Si, da' gɑ la' wap ghu'tə́ e, wap lə nəŋ go'tə e nə mfa' pa' a shəŋ bi Si a. Wap le hɔ pɑ́ jyə̀ nthʉm msɛ́nwə tə kwitə̀ map, tʉ̌m fʉ̀mnyə tsap cʉ' ywə jʉ́m.

Wap lě dɑ cwanwə ŋkwyəpnyə nyənyɔ Si, wap lě gamtə biŋ fa' m̀ bi ywə yə Si nyaptə nə cwə yə wap lə bɑ gɔ ghamtə Si nyaptə dzʉ̌ yə byanyə bɑ nə e mama a. Amɛn.

Nə pa' Si da'tə yɛluŋ e kɛbəŋ nə guŋ mhɔnwə ba nə guŋ msɔkmsɔk nwə pɔmnəŋ, myə a nyəŋ nyənyɔ cɛ́ bi msɔkmsɔk nwə a

A ywə yə a lə ghə́ Si hɑ gɑ́ wap yap mtʉm map pɑ́ nə ywə yə a dɑ mo gə mzhʉm a: Pɑjwǐ pap lě ŋkwyəpnyə pa' Si lə yap gɑ wap pɑ gə a, gə pɑ́ ywə yə pu nthé bya nə a. Ba pɑ bɛ tak yap nə ghə pa' pu lə yap nə nwə mbɛ pu mjwǐ a, pɑ bɛ pɑ di' pɑ́ pɑ bɛ, gə bɔkbɔ̀k nwə cəcɑ̌ pu, tə ŋkwi mcwɔ'fa' go' yap myə ǎ ku' nə pu a. A cyə m pa' wap lě tə kúŋ nə tɔm nwə nə zhyə́ Si a, Si le nthak wap bi zhyə̌nwə yap yə a tə́ nthya sɔmywə a pɑ: A po'o tə wap pɑ gə pɑ ywə yə wap ka tə́ bɑ gɔ ghə a pɑ́.

Wap lě bɑ sɛ gɑ́ wap bɑ mzhyənwə, shʉ' mpʉəpó. Wap lə dɑ fó' mo pfʉpfʉ̌ pu a pǒmsəŋ, ba mnɔm mkwə pfʉə pu a pyə wap fəŋ mvam map si a nə ŋkwyəpnyə ghu'tə Si yə e tə npfʉ a pɑ.