Popular Bible Verses from 2 TIMOTIO 4

Share

Gɑ̌ lo'shù pɑpuŋ, mə̌ dʉ̌ mì, gɑ̌ tɔm piŋnthʉm.

Siŋ Ghɔm, shəŋtə shwi'tə nə cwə yə pu wə byap a ba nə cwə yə mo tə̌ wə byap a pɑ́, tɔk pɔ shɔkcɔ́k baptə wap, səso wap, tə́ nə ghə nthɔm tʉ́m tsʉ̌, biŋ dɑ pɑ nə zhi'tə tə́ nə gə.

Mu' cwə dzʉ̌ gɔ sɔ' sɔ' yə shɑ pɔ tə gɔ piŋ zhi'nwə dɔlɔ̌ a pɑ́, da' gɑ nə yap nthi yə wap shəŋ nə mtəŋ map a, wap ghə m tá zhi'tə pap wap yɔm. Wap gɔ sɔ' fɛ mtə́ŋ map nə nwə nyənyɔ pɑ yu' pɑ tsə pɔ mkəfeli.

Tə sɔ' m̀ nə o, ghə nwə m dəŋ, piŋ ghəghʉɔ, pɑ siŋ cùŋ pɑpuŋ, fa' fà' tsǔ.

Tə fɑ cwəlɔ pu yap co'fo nwə dəŋdəŋ mcwɔ'fa' mə̌ myə Cyəpɔ gɔ sɔ' hɑ bəm tyɛ'dzʉ́ bɔ a; yʉ́ yə e bɑ ta fyɛ' yə dəŋdəŋ a. E tə́ gɔ sɔ' hɑ da' bəm pɑ̀, e gɔ sɔ' hɑ bi guŋ pɔ awɛ pyə wap ŋkhuŋ nə zhyə e a.