Popular Bible Verses from Limle 14

Share

Tan nii, taa on tuurtana Jawmiraawo! Taa kule boo ummaatoore wonnde ton ngam en njaaloto nde bee koyɗum. Nde walaa fadduye fahin, ammaa enen kam Jawmiraawo ɗon wondi bee meeɗen. Taa kule nde!”

Min Jawmiraawo, mi tikkataa law, mbooɗeeŋga am ɗuuɗi, mi munyanan tuurtol, mi yaafoto tuurtol e hakke. Ammaa mi laarataa aybuɗo bana laaɓɗo sam. Mi hiitoto aybe baabiraaɓe haa ɓiɓɓe e taaniraaɓe haa yidere tataɓre e nayaɓre.

To Jawmiraawo yerdake en, o yahran en ton, o hokka en ndi. Lesdi ndi'i heewi kosam e njumri!

Ammaa jaggiiɗo am Kaaleb marɗo ruuhu feere, kaŋko o tokki yam bee ɓernde woore. Ngam maajum mi yahran mo nder lesdi ndi o hori, danygol maako maran ndi.

Wi' ɓe: Ndaa nii Jawmiraawo wi'i: Fakat bana mi geeto, mi waɗanan on fodde bolle ɗe on mbolwi yeeso am.

Jawmiraawo wi'i Muusa: “Haa ndey yimɓe ɓe'e tokkoto yawaago yam? Bee alaamaaji ɗuuɗɗi ɗi mbaɗmi caka maɓɓe, haa ndey ɓe caloto hoolaago yam?

Isra'iila'en fuu ngurŋgurti dow Muusa e Haruna, mbi'i: “Ndikkana min maayugo haa Misra, koo haa ɗo nder ladde nde'e!

Yosuwa ɓii Nuuna e Kaaleb ɓii Yefunna, horunooɓe lesdi go, ceeki limce muuɗum'en ngam daliila metteeŋga. Ɓe mbi'i jama'aare Isra'iila fuu: “Lesdi ndi min kori ɗum, ndi mboondi masin!

Ammaa fakat bana mi geeto, bana tedduŋgal am ɗon hebbina duniyaaru boo, ummaatoore nde'e fuu nastataa lesdi man. Ngam nde yi'i tedduŋgal am e alaamaaji ɗi mbaŋginmi nder lesdi Misra e nder ladde boo, ammaa nde foondi yam bana nii nde sappo jonta, nde nananaay yam. Ngam maajum nde yi'ataa lesdi ndi kunaniimi kaakiraaɓe maare. Yawiiɓe yam fuu boo ngi'ataa ndi sam.