Popular Bible Verses from Matta 5

Share

Ɓe njamnataa boo pittirla ngam suuɗugo nga les bokoti. Ammaa ɓe njo'ina nga dow jo'inirɗum pittirla, haa nga yaynana wonɓe nder suudu man fuu. Sey annoora mooɗon yayna bana non yeeso yimɓe, ngam haa ɓe ndaara kuuɗe mooɗon booɗɗe, ɓe teddina Baabiraawo mooɗon mo asama.”

Onon ngoni annoora ngam duniyaaru, berniwol nyiɓaaŋgol dow hooseere wiirnataako sam.

Barka laatanto laaɓa-ɓerɗe'en, ngam ɓe ngi'an Allah.

Barka laatanto ɗaɓɓanɓe waɗugo muuyo Allah bee ɓernde fuu, ngam Allah hokkan ɓe ko ɓe ɗaɓɓi.

Ammaa min mi ɗon wi'a on: Ngiɗe konne'en mooɗon, tore Allah ngam toonyiiɓe on

“Barka laatanto annduɓe ko'e muuɗum'en ɓe talaka'en fodde Ruuhu, ngam kamɓe njeyi laamu asamanji.

Barka laatanto sulhindiranɓe yimɓe, ngam ɓe wi'eteeɓe ɓiɓɓe Allah.

Barka laatanto woyanɓe, ngam Allah de'itinan ɓe.

Barka laatanto toonyaaɓe ngam ɓe ɗon ngaɗa ko Allah yiɗi, ngam kamɓe njeyi laamu asamanji.

Barka laatanto enɗooɓe, ngam Allah enɗan ɓe.

Barka laatanto on, to yimɓe kuɗi on malla toonyi on malla mbaɗi tufle feere feere dow mooɗon daliila am. Ceye, mbelmbelte masin ngam Allah warjoto on mbarjaari ɗuuɗndi haa asamanji. Bana non ɓe toonyino annabi'en aartuɓe on.”

Barka laatanto yaŋkiniiɓe, ngam ɓe ndonan lesdi.

“Onon ngoni mannda ngam duniyaaru: Ammaa to lammeeŋga mannda ittake, noy ɗam heɓtirta lammeeŋga maajam fahin? Mannda man nafataa sam, sey wudingo ɗam yaasi tan, yimɓe njaaɓan ɗam.

Laate on timmuɓe, bana Baabiraawo mooɗon mo asama o timmuɗo.”

Sey ooho mooɗon laato ooho, aa'a mooɗon boo laato aa'a tan, ngam wolwugo ko ɓuri non, iwi haa Kalluɗo.”

“On nani ɗum wi'aama: Yiitere bee yiitere, nyiindere bee nyiindere. Ammaa min mi ɗon wi'a on: Taa mbaate baɗɗo on halleende. To goɗɗo maari ma haa galaŋgal nyaamal, waylitan mo nanal boo.

To yiitere ma nyaamre laatanake ma fergere, ɗoof nde, wudin nde daayiiɗum. Ngam ndikka a majjina tergal ɓanndu ma gootal dow ɓanndu ma fuu wube nder yiite jahannama. To juŋngo ma nyaamo laatanake ma fergere, ta'u ngo, wudin ngo daayiiɗum. Ngam ndikka a majjina tergal ɓanndu ma gootal dow ɓanndu ma fuu nasta yiite jahannama.”