Popular Bible Verses from Esaaya 9

Share

O mawninan baawɗe laamu maako, o hokkan leeso laamu Daawuda e maral mum fuu salaaman ka timmataa sam, o semmbiɗinan laamu maako, o tabitinan ngu bee kiita ndarnuka e adilaaku, diga jonta haa foroy. Jawmiraawo honooɓe asama waɗan ɗum nder tiinaare mum.

An yaa Jawmiraawo, a mawnini nde, a ɗuɗɗini seyo maare. Yimɓe maare ɗon ceyo yeeso maaɗa bana ɓe ceyorto wakkati codol, bana ɓe mbelmbeltata haa cennduki keɓal konu.

Jawmiraawo neli koŋngol dow danygol Yaakubu, ngol laarani Isra'iila.

En ndanyanaama ɓiŋngel, en ndokkaama ɓiɗɗo gorko! Laamu wallinaama dow balawal maako, ɓe inndan mo: Carwoowo kaayeefiijo, Allah cemmbiɗɗo, Baaba duumiiɗo, laamiiɗo salaaman.

Ummaatoore wonnde nder nyiɓre yi'i annoora makka. Annoora yaynani jooɗiiɓe nder lesdi ndi nyiɓre maayde.

Ngam a yewi kaɓɓirgal doŋngal maɓɓe e leggal dow balbe maɓɓe e sawru toonyooɓe ɓe, bana ɓooyma nder nyalaade Mediyan.

Paɗe caatuɗe ɗe honooɓe e limce tallaaɗe nder ƴiiƴam fuu, ɗe nguleteeɗe, ɗe laatoto nyaamdu yiite.