Popular Bible Verses from Esaaya 6

Share

Mi nani sawtu Jawmiraawo, o wi'i: “Moy nelanmi? Moy yahata ngam amin?” Mi jaabi: “Ndaa yam ɗo, nelam.”

Ɓe ɗon mbi'a: “Jawmiraawo honooɓe asama o ceniiɗo, ceniiɗo, ceniiɗo! Tedduŋgal maako hebbini duniyaaru fuu!”

Nden mbi'mi: “Bone tawi yam! Mi halki, ngam mi goɗɗo soɓa-hunndukoojo, mi ɗon jooɗi boo caka yimɓe soɓa-kunnduɗe'en. Gite am ngi'i Laamiiɗo, Jawmiraawo honooɓe asama.”

Hitaande nde laamiiɗo Uzziya maayi, ngi'mi Jawmiraawo. O ɗon jooɗi dow leeso laamu towŋgo ɓaŋgiiŋgo, gawarle limce maako kebbini haykaliiru.

O meemi hunnduko am, o wi'i: “Ndaa, ɗum meemi hunnduko ma, jonta aybe ma ittake, hakke ma yaafaama.”

Serafi'en ɗon dow maako. Koo moy maɓɓe woodi bileeji joweego: Ɗiɗi ngam wiirnugo yeeso, ɗiɗi ngam wiirnugo kosɗe, ɗiɗi boo ngam fiirugo.

Gooto serafi'en fiiri wari haa am, o ɗon jogi ƴulɓere yiite haa juŋngo, nde o hoo'uno bee naŋngirgel haa gulduɗum uurle.

O wi'i: “Yah, yeccu yimɓe ummaatoore nde'e: Foroy on nanan, ammaa on paamataa. Foroy on ngi'an, ammaa on annditittaa koo ɗume.

Saatin ɓerɗe yimɓe ummaatoore nde'e! Sukku ɓe noppi! Maɓɓu ɓe gite ngam taa ɓe ngi'a, taa ɓe nana, taa ɓerɗe maɓɓe paama, ɓe lorto, ɓe nyawnde.”