Popular Bible Verses from Gurtaaki 3

Share

Allah jaabi Muusa: “Min woni mo ngonmi.” O wi'i: “Ndaa nii mbi'ata yimɓe Isra'iila: Min woni neli yam haa mooɗon.”

Allah wi'i mo: “Mi wondan bee ma. Ndaa nii ngooŋɗinirta min neli ma: To a wurtini ummaatoore nde'e diga Misra, on njaggano yam dow hooseere nde'e.”

Allah wi'i mo: “Taa ɓadita haa ɗo! Faɗɗita ngam nokkuure haa a ɗon dari nde seniinde.”

Nden Jawmiraawo wi'i: “Fakat mi yi'i bone ummaatoore am nder lesdi Misra. Mi nani gookaali maɓɓe daliila kuugal naawŋgal ngal ardiiɓe maɓɓe ndooli ɓe huuwugo, mi anndi torraaji maɓɓe. Mi jippi ngam mi hisna ɓe diga juuɗe Misra'en, mi wurtina ɓe diga lesdi man, mi yahra ɓe haa lesdi mboondi, njaasndi, lesdi keewndi kosam e njumri, haa lesdi ndi Kanaani'en e Heti'en e Amoori'en e Perezzi'en e Hewi'en e Yebusi'en njooɗi.

Ton Malaa'ikaajo Jawmiraawo waŋgani mo nder jamre yiite haa caka wumre. Muusa laari wumre man ɗon jaɓa yiite, ammaa yiite nyaamaay nde.

Jonta yah, mi neli ma haa Firawna, ngam a wurtina ummaatoore am Isra'iila diga Misra!”