Popular Bible Verses from Gurtaaki 20

Share

“Min woni Jawmiraawo Allah maaɗa, gurtinɗo ma njeyaaŋgu haa lesdi Misra. Taa ɗowanteeɓe woɗɓe tawe haa maaɗa, sey min feere am.

Taa waɗan hoore ma lawru koo nduye, koo suura tagdi koo ndiye haa asama malla dow lesdi malla nder ndiyam les lesdi. Taa sujidan suuraaji ɗi'i, taa rewu ɗi! Ngam min Jawmiraawo Allah ma, mi yiɗaa a tokko ɗowanteeɗo feere sam. Mi hiitoto aybe wanyɓe yam haa ɓiɓɓe maɓɓe, koo haa taaniraaɓe maɓɓe e jaatiraaɓe maɓɓe boo.

Teddin baaba ma e daada ma, ngam haa balɗe ma njuuta nder lesdi ndi Jawmiraawo Allah maaɗa hokki ma.

Siftor nyalaade siwtorde, a sena nde.

Taa ewnu innde Jawmiraawo Allah maaɗa meere. Ngam fakat Jawmiraawo hiitoto koo moy ewniiɗo innde mum meere.

Nder nyalɗe joweego kuuwata kuugal ma fuu. Ammaa nyalaade joweeɗiɗawre woni siwtorde ngam Jawmiraawo Allah maaɗa. Nder maare taa huuw kuugal koo ngale, koo an, koo ɓiya gorko, koo ɓiya debbo, koo maccuɗo ma, koo korɗo ma, koo dabbaaji ma, koo koɗo gonɗo nder gure ma.

Taa suunu saare keeddiɗɗa. Taa suunu debbo keeddiɗɗa, koo maccuɗo maako, koo korɗo maako, koo nagge maako, koo wamnde maako, koo ɗume ko keeddiɗɗa mari fuu.”

Taa seeda fewre dow keeddiɗɗiraawo ma.

Taa waɗ njeenu.

Taa mbar-hoore.

Taa wujju.