Popular Bible Verses from Mga Salmo 91

Share

Makaingon siya sa GINOO, “Ikaw ang akong tigpanalipod ug lig-ong tago-anan. Ikaw ang akong Dios nga ginasaligan.”

Si bisan kinsa nga mangayo sa pagpanalipod sa Labing Halangdong Dios nga Makagagahom, panalipdan niya.

Kon motawag siya kanako, tubagon ko siya; kon anaa siya sa kalisod, ubanan ko siya; luwason ko siya ug pasidunggan.

Kay sugoon sa Dios ang iyang mga anghel sa pagbantay kanimo bisan asa ka moadto.

Panalipdan ka niya sama sa usa ka langgam nga nagpanalipod sa iyang mga piso ilalom sa iyang mga pako. Sa iyang pagkamatinumanon, panalipdan ka niya ug labanan.

Tungod kay gihimo mo mang dalangpanan ang  GINOO, ang Labing Halangdong Dios nga akong tigpanalipod, walay kalamidad o katalagman nga moabot kanimo o sa imong panimalay.

Luwason ka gayod niya gikan sa mga lit-ag ug sa makapatay nga mga balatian.

Bisan linibo pa ka mga tawo ang mangamatay sa imong palibot, ikaw dili maunsa.

Dili ka angayng mahadlok sa mga makalilisang nga panghitabo, sa mga motakboy nga balatian, ug sa mga katalagman nga moabot, sa gabii man o sa adlaw.