Popular Bible Verses from Mga Salmo 5

Share

Kay ginapanalanginan mo, GINOO, ang mga matarong. Ang imong gugma sama sa taming nga nagpanalipod kanila.

Inigkabuntag andamon ko ang akong kaugalingon sa pag-ampo kanimo. Dad-on ko kanimo ang akong mga hangyo ug maghulat ako sa imong tubag.

Apan hinaut nga magmalipayon ang tanang nagdangop kanimo. Hinaut pa nga mag-awit sila sa kalipay. Panalipdi ang mga naghigugma kanimo aron magmalipayon sila.

GINOO, giyahi ako diha sa imong pagkamatarong kay daghan ang akong mga kaaway, ug himoang sayon ang akong pagsunod sa imong kabubut-on.

GINOO nga akong Dios ug hari, pamatia ang akong pag-ampo ug pag-agulo. Pamatia ang akong pagpangayo kanimo ug tabang, kay diha kanimo ako nag-ampo.