Popular Bible Verses from Mga Salmo 37

Share

Pangitaa ang imong kalipay diha sa GINOO ug ihatag niya kanimo ang imong gipangandoy.

Itugyan ang tibuok mong kinabuhi sa GINOO; salig kaniya ug tabangan ka niya.

Pagmalinawon diha sa presensya sa GINOO, ug paghulat nga mapailubon sa iyang pagabuhaton. Ayaw paglagot kon magmauswagon ang mga tawong daotan, o magmadaogon sila pinaagi sa ilang daotang mga plano.

Salig sa GINOO ug himoa ang maayo. Ug magpuyo ka sa yuta sa Israel nga adunay kasigurohan ug walay kahadlokang katalagman.

Giniyahan sa GINOO ang matag lakang sa tawo nga nagkinabuhi nga matinumanon kaniya. Bisan mapandol siya, dili siya matumba tungod kay ginakuptan siya sa GINOO.

Ipadayag niya sa klaro nga ikaw matarong ug walay sala, sama ka klaro sa kahayag sa adlaw sa udtong tutok.

Likayi ang kasuko o kaligutgot kanila. Ayaw paglagot kay makadaot kana kanimo.

Sukad sa akong pagkabata hangtod karon nga tigulang na ako, wala pa ako makakita nga ang mga matarong gipasagdan sa GINOO o ang ilang mga anak nagpakilimos ug pagkaon.

Ayaw paglagot sa mga tawong daotan, ni masina niadtong naghimo ug daotan.