Popular Bible Verses from Mga Panultihon 4

Share

Bantayi pag-ayo ang imong huna-huna, kay kon unsay anaa sa imong huna-huna mao usab ang imong ikinabuhi.

Balansiha pag-ayo ang tanan mong pagahimuon aron maayo ang mahimong resulta niini.

Ayaw gayod pagsultig bakak ug walay hinungdan.

Ang kaalam ug pagsabot maoy labing mahinungdanon sa tanan, busa paninguhaa gayod nga maangkon mo kini bisan pag mahurot ang tanan mong kabtangan.

Ang pagkinabuhi sa mga matarong daw sama sa nagsubang nga adlaw nga mosamot kasidlak sa kaudtohon. Apan ang pagkinabuhi sa mga daotan daw sama sa kangitngit, ug wala sila masayod kon unsa ang hinungdan sa ilang pagkalaglag.

Ayaw isalikway ang kaalam, hatagi hinuon kinig importansya, kay mao kini ang motipig kanimo.

Ayaw gayod kalimti ang gihimo kong pagtul-id sa imong pamatasan; tipigi kini sa imong kasing-kasing kay imo kanang ikinabuhi.

Ayaw sunda ang binuhatan sa mga daotan.

Mga anak, pamatia ninyo pag-ayo ang pagtul-id sa inyong amahan sa inyong pamatasan, aron makakat-on kamo.