Popular Bible Verses from Josue 23

Share

“Hapit na ako mamatay. Nahibalo kamo sa tibuok ninyong kasing-kasing ug huna-huna nga gituman sa GINOO nga inyong Dios ang tanang maayong mga butang nga iyang gisaad kaninyo. Wala gayoy bisan usa nga wala matuman.

Busa siguroha gayod ninyo nga higugmaon ninyo ang GINOO nga inyong Dios.

Si bisan kinsa kaninyo makaabog ug 1,000 ka mga tawo, tungod kay ang GINOO nga inyong Dios mao ang nakig-gira alang kaninyo sumala sa iyang gisaad.

Pagmatinumanon hinuon kamo sa GINOO nga inyong Dios, sama sa inyong ginabuhat hangtod karon.

“Magpakalig-on kamo, ug paningkamoti gayod nga matuman ninyo ang tanang nasulat sa Libro sa Kasugoan ni Moises. Ayaw gayod ninyo kini lapasa.