Popular Bible Verses from Jeremias 6

Share

Mao sad kini ang giingon sa GINOO, “Tindog kamo diha sa gisang-an sa mga dalan ug pagpakisusi pag-ayo. Pangutana kamo kon hain ang karaan ug maayo nga dalan, ug didto kamo agi. Kon buhaton ninyo kini, maangkon ninyo ang kalinaw. Apan miingon kamo, ‘Dili kami moagi diha!’

Gipakawalay-bili nila ang samad sa akong mga katawhan, bisan grabe na kini. Nag-ingon sila nga maayo ang tanan bisan ang tinuod dili kini maayo.

Pamati, O kalibotan! Magpadala akog kalaglagan niini nga mga tawo ingon nga silot sa ilang daotang mga plano. Kay wala nila hatagig pagtagad ang akong mga pulong ug gisalikway nila ang akong kasugoan.

Mitubag ako, “Apan kinsa may akong pasidan-an? Kinsa may maminaw kanako? Gitabonan nila ang ilang mga dalunggan aron dili sila makadungog. Ngil-ad alang kanila ang pulong sa GINOO, busa dili sila gusto nga maminaw niini.