Popular Bible Verses from Isaias 62

Share

Dili ka na tawgong “Sinalikway nga Siyudad” o “Awaaw nga yuta,” kondili tawgon ka na nga “Kalipay sa Dios” o “Gikasal ngadto sa Dios,” kay nalipay ang  GINOO kanimo ug sama ra nga gikasal ka ngadto kaniya.

Nagbutang akog mga tigbalantay diha sa imong mga paril, O Jerusalem. Dili gayod sila mohunong adlaw ug gabii sa pagpahinumdom sa imong katawhan nga magtukaw sila. Kamo nga nagpangamuyo sa GINOO, ayaw gayod kamo paghunong sa pag-ampo. Ayaw ninyo siya hunongi sa paghangyo nga pabarogon niya pag-usab ang Jerusalem ug dayegon kini sa kalibotan.

Mahisama ka sa usa ka matahom nga korona diha sa kamot sa GINOO nga imong Dios.

Siya nga naghimo kanimo mangasawa kanimo sama sa usa ka batan-ong lalaki nga nangasawa sa usa ka putli. Ug ingon nga nalipay ang pamanhonon sa iyang pangasaw-onon, ang imong Dios malipay usab kanimo.