Popular Bible Verses from Isaias 26

Share

Hatagan mo, GINOO, ug hingpit nga kalinaw ang tawo kansang huna-huna nasentro diha kanimo, kay nagsalig siya kanimo.

Salig kamo kanunay sa GINOO kay ang  GINOO mao ang atong walay kataposan nga Bato.

Sa tibuok kong kasing-kasing, ginahandom ko gayod ikaw sa panahon sa kagabhion. Tinuod nga kon ikaw maghukom sa mga katawhan sa kalibotan, makat-on sila sa pagkinabuhi nga matarong.

GINOO, hatagan mo kami ug kalinaw. Ang tanan namong nahimo, among nahimo tungod sa imong tabang.

GINOO, among gisunod ang imong mga sugo, ug nagsalig kami kanimo. Ang among pangandoy mao nga ikaw mapasidunggan.

Patag ang dalan sa mga matarong, ug ikaw, Matarong nga Dios ang mipatag niini.

Gipaubos niya ang mga garboso. Gipukan niya ang ilang siyudad hangtod nga natumpag kini sa yuta.

Ablihi ang mga pultahan sa siyudad aron makasulod ang matarong nga nasod, ang nasod nga matinud-anon sa GINOO.