Popular Bible Verses from Mga Hebreohanon 1

Share

Diha kaniya makita ang nagsidlak nga gahom sa Dios, ug kon unsa ang Dios mao usab siya. Siya mao ang nagbuot sa tanang mga butang sa tibuok kalibotan pinaagi sa iyang gamhanan nga pulong. Sa dihang nahinloan niya kita sa atong mga sala, milingkod siya sa tuong dapit aron magdumala kauban ang Dios.

Kaniadto, daghang higayon nga misulti ang Dios ngadto sa atong mga katigulangan pinaagi sa mga propeta ug sa nagkalain-lain nga pamaagi. Apan niining ulahing mga adlaw, nakigsulti siya kanato pinaagi sa iyang Anak. Pinaagi kaniya, gimugna sa Dios ang tibuok kalibotan ug siya usab ang iyang gipili nga manag-iya sa tanan.

Dili ba nga ang mga anghel mga espiritu lang nga gisugo sa Dios nga motabang sa mga tawo nga iyang luwason?

Ug midugang siya pag-ingon ngadto sa iyang Anak, “Ikaw, Ginoo, mao ang nagmugna sa kalibotan, ug ang tanan nga ania niini gibuhat usab sa imong mga kamot. Kining tanan mahanaw, apan ikaw magpadayon sa gihapon. Ang tanan madunot sama sa mga bisti.